Liza Welsh

Affrontasie, Irritasie en Konsternasie!

In Koffietyd on Augustus 5, 2009 at 10:45

(3 Augustus)

Die Son kom op en die termometer se kwik daal soos die goue strale na bo skiet. So sag kuns het U my wakker gemaak, met ‘n glimlag van pure, Goddelike blydskap en geluk wat om my mondhoeke speel.

Dit is koffietyd het U gesê. Lig jou kop vanaf die kussing voor my altaar, gaan maak ‘n koffietjies, en voor die besige dag begin, kom gesels met My. Nou hier sit ek, O wonderbaarlike God, honger vir U Woord, gretig om meer van my God te leer, so opgewonde om hierdie asemrowende pad saam met U te stap…

Vanoggend kom praat U weer met my uit Spreuke 20… ‘9Wie kan sê “Ek is rein, ek is onskuldig, sonder sonde?” 10Die Here het ‘n afsku vir mate en gewigte wat nou sus en dan so is.’

Affrontasie, Irritasie en Konsternasie!

Die hammer van ons eie geregtigheid slaan so gemaklik oor ons medemens
Ons vooroordeel. Beoordeel. Veroordeel.
Ons gees konfronteer soms iets in ‘n ander se gees,
maar dan is ons harte harde klip, sonder verstaan –
is ook sommer dan geaffronteer. Geïrriteer. En nie meer in Beheer!

Wie is rein, 100%?
Wie is sonder skuld, 100%?
Wie staan perfek sonder skaamte, 100% naak voor my Heer?
Laat hy wat dan so staan Vooroordeel, beoordeel en veroordeel!
Laat hy dan sy asem mors op affrontasie, irritasie en konsternasie!!

Maak eerder die waters van U liefde wat deur my vloei dieper vandag!
Druk water uit ‘n klip my God
Versag, Verander, Verfraai, Verryk dan eerder so my hart!
Maak my hart ander se seer en se komplekse ontwerp verstaan,
Knoop dan aan my oor meegevoel, medelye en meer-geduld-as-ooit-tevore.

Lat my sus en so die selfde bly.
Laat U ja , my ja wees en my ja bly!
Laat U nee, my nee wees en my nee bly!

Verhoed so ook op hierdie dag my God: affrontasie
wat pad aanwys vir irritasie
wat net ly tot konsternasie!

Oorstroom my dan op hierdie dag my God met meegevoel
wat die pad kan aanwys vir my en ander om lief-te-voel en heel-te-voel,
wat net kan lei tot ‘n hoogte waar ons U teenwoordigheid kan aanvoel.

Amen.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

%d bloggers like this: