gebed vir my man se vrou

Op die beste van dae sukkel ek om ‘n multi layered, multi tasking vrou van die 21 eeu te wees. Net so wanneer dinge vir my te veel wil raak, kniel ek by die Here, en dan help Hy my. Jesus het my geleer dat voor ek aan mense wil staan en verander, moet ek eers na myself begin kyk, en daarom is my eerste gebed vir my man se vrou.

Liefste Koning Jesus

Vanaand kom sit ek hier op U skoot, en ek wil graag erken dat ek glad nie tot enige iets instaat is sonder U nie. Ek kan nie eers die tuin van my lewe in stand hou nie. Here daar is vlekke, slegte plekkies wat die vrugte van my hart bederf. Here verwyder die goggatjies, hier uit my hart, wat al daardie skade aanrig. Here daardie goggatjies kan ek sommer in so ‘n hele string op noem: hulle name is selfsug, ongeduld, en geïrriteerdheid. Here spin hulle toe in die kokon van U genade en laat daar skoenlappertjies van goedhartigheid, lank moedigheid en die gewilligheid om ander se laste te dra, uit kruip.

Here neem die onkruid van my ou slegte gewoontes, negatiewe ingesteldheid, onregverdige verwagtings en self verdedigende standpunte weg. Here saai die saad van geduld, goed hartigheid, getrouheid, nederigheid en sagtheid.

Here net U, die grootte Tuinier kan hierdie oerwoud van ‘n hart in ‘n mooi, vrugbare, God-aanbiddende tuin verander. Wys my die onkruid wat nog moet uitgeroei word Here, veral die wat my liefde en my verhouding met my man verdring.

Ja Here, soms is ek nie liefdevol nie, ek kritiseer hom, ek word kwaad, ek wil soms ook wraak neem, en soms bewys ek ook nie die respek wat ek behoort te bewys aan my man nie. Here gee dat ek van hierdie selfsugtige onkruid sal kan afstand doen, maak nie saak hoe ek voel nie. Here gee dat ek sal kan vergewe sonder om ooit weer terug te kyk.

Here gebruik my as ‘n vrede maker, en iemand wat genesing in my verhoudings met ander kan bring. Here maak asb. die lyne van kommunikasie tussen my en ander mense oop. Here maak my, my man se lewenslange helper, sy siels-genoot, sy friend, en sy pilaar van ondersteuning.

Here gee dat ek ‘n spesiale plekkie vir hom sal kan inrig, waar hy rustig en vreedsaam kan verkeer, Here gee dat hy by my kan veilig voel. Here help my ook om tussen dit alles steeds ‘n tydjie in te ruim om myself te versorg. Here laat my groei om ‘n kreatiewe, sterk vrou met vuur in my gees en die nodige self vertroue te wees. Here mag my man ten alle tye trots wees om my as sy vrou te hê.

Here hier voor U kruis kom sit ek nou al my verwagtinge. Here ek ontslaan my man van enige laste wat ek hom onnodiglik oplê. Laste wat ek eintlik vir U moet gee. Here help my om hierdie man wat U vir my gegee het te aanvaar nes hy is, sonder om hom te probeer verander. Here as daar enige veranderings in hom nodig is, Here plaas ek dit in U hande, vorm hom soos U goed dink, en soos ek wil nie. Here help my om te onthou dat slegs U perfek is, en dat ek na U moet opkyk om ons perfek by mekaar te laat pas.

Here leer my hoe om vir my man te bid, en leer my om te verseker dat my gebede sal spreek van my onbeskryflike liefde vir my man. Here wys my wat onvoorwaardelike liefde regtig is, en Here snoei ons liefde, daar waar daar dooie puntjies is, sny hulle uit, en kweek asb. nuwe liefde om die dooie stukkies te vervang..

Here bring ‘n gevoel van enigheid tussen ons.. Mag die Here van geduld en liefde ons toe laat om die selfde oor goed te begin dink, om soos Jesus oor goed te begin dink.

Mag ons saam werk om mekaar aan te vul. En help ons om saam na vrede te streef. Here mag ons commitment tot U en mekaar sterker word by die dag, mag ons meer passievol oor U en mekaar word, elke dag.

Here staan my man by, in sy taak om die Hoof van ons huis te wees. Wys my Here, hoe om sy leiding te aanvaar en hoe om hom te ondersteun. Here gee my die perspektief om sy drome en wense te verstaan. Wys my Here wat dit is wat my man nodig het, en wys ook vir my moontlike probleme uit, voordat hulle kan skade doen. Here bring nuwe lewe na ons verhouding.

Here vernuwe my hart, siel, gees en verstand. Here maak my ‘n nuwe mens, met nuwe perspektief en ‘n nuwe uitkyk op die lewe. Help my om met nuwe oë na my man te kyk, met vernuwe waardering, nuwe liefde, nuwe aanvaarding en ‘n vernuwe getrouheid. Here gee vir my man, ‘n nuwe vrou, Here laat daardie nuwe vou ek wees.

Ek bid dit alles in die naam van my Verlosser en Salig maker, Jesus Christus.

Amen.

My antwoord op die gebed van ‘n kind…

Die sand korreltjies in die uurglas gemerk as 2009 is besig om baie vinnig uit te loop en oral is almal besig om gou-gou net ‘n inventaris van die jaar te neem voor hulle te verstrengel raak in Kersfees liggies en blink tinsel stringetjies.

Soos ek ook maar onwillekeurig inventaris van ‘n wasmasjien jaar waardeur my gesin en my familie is. Die onbeskryflike vrede wat God my hart mee toevou kom dan loodreg teenoor onafgehandelde besigheid staan. Die opgewondenheid en afwagting van ‘n nuwe lewe kom staan loodreg teenoor die pyn en die nood wat oral rondom my heers. My eie genesing kom staan ook loodreg teenoor die wonde van die vir wie ek so innig lief is.

En tussen dit alles deur wil ek amper soos Johannes opstandig raak omdat die rondom my soveel meer lei as ek. Johannes het opstandig geraak oor die feit dat hy nie die geleentheid gegun was om soos die ander dissipels vir sy geloof te kon sterf nie. Nee, ek wil nie sterf nie, ek weet dat my werkie hier op aarde is nog nie klaar nie, maar ek wens so gereeld dat ek die jeuk van die mensies om my namens hulle kan dra. Soms wens ek dat daar ‘n vitamien B kompleks inspuiting vir die hart se seerste eina kan wees en dat ek namens ander deur hulle pyn kan werk sodat hulle wonde kan genees.

Dis terwyl ek so voel, dat ek selfs nog hier in my gees nog meer opstandig word wanneer ek versoeke uitstuur en geleenthede wat deur ons Pappa self geskep word onder die aandag van God se geliefdes te bring – soos my Vader my beveel en nie eens een persoon die moeite kan doen om hulle oë en hulle aandag vir ‘n oomblik van hulle eie lewe en eie behoeftes af te haal en so na ‘n ander uit te reik nie.

Die Here raak al hoe meer dringend in Sy oproep aangaande ons kinders en die wees kinders wat so aan hulle eie genade oorgelaat word. Vader se hart is regtig seer oor die gebrek aan die Bruid se bereidheid om uit te reik en hierdie kinders se harte met hulle God se hart te versoen. Elkeen van ons hou ‘n bos sleutels vas, wat die deur vir soveel kinders kan oopsluit, tog is ons so besig met ander goed dat ons nie uitkom by dit wat Vader regtig in hierdie tyd van ons vra nie.

Matteus 18 vers 1-5 is tog so duidelik oor die belangrikheid van kinders in die koninkryk van God. En daar is niks meer kosbaar as die manier waarop ‘n kind sy God vertrou nie. Self het ek die voorreg om daagliks te sien hoe my twee wille perdjies op hulle God vertrou en hoe getrou hulle Hemelse Pappa vir hulle sorg.

Daar is nie iemand anders wat vir hierdie kinders kan klere gee nie, daar is nie iemand anders wat hulle oor die kinders kan ontferm terwyl jy gou-gou net eers jou Desember vakansie se finale reëlings tref nie. Dis vir jou wat God vra, wees My hande, wees My voete, wees My arms…

Ek het nie die skares met ‘n mooi gebed en honger magies huis toe gestuur nie, NEE Ek het vir hulle kos saam met die brood van die lewe bedien. Ek het nie die vrou met die bloedvloeiing vertel hoe lief Ek haar het en haar toe weer weggestuur sodat Ek met my belangrike dagtake kon voort gaan nie, NEE, Ek het haar eers genees, eers het Ek van my tyd aan haar afgestaan om na haar te luister en haar te genees… daarom beveel Ek jou my kind kom stort My liefde uit en kom wees My antwoord op die gebed van ‘n kind.

 

This morning is a beautiful new morning!

Lieste Pappa

“ This morning is a beautiful new morning!” Met hierdie woorde en ‘n goue skynsel oor die gras teen die koppie hier agter die huis het U my gegroet, toe ek net so voor ses uur die radio aansit… die glimlag wat op daardie oomblik om my mond hoeke gespeel het, het nog net breër en breër geword vandag.

Pappa vanaf die sesde uur van vandag af hou U genade gawes net nie op nie… vir die vierde keer in een week seën U my met die selfde belofte en ook waarskuwing wat U vir Salomo in 2 Kronieke 8 oor die tempel gegee het.

En vir die soveelste keer bevestig U dat ek my drome reg verstaan: U is waarlik besig om ons stukkie grond, hierdie grond aan U gewei, U tempel, te seën. Ons is op die regte pad, U is ons God, daar is niemand anders in ons harte nie, op niemand anders vestig ons, ons hoop nie – en stadig maar seker is U besig om ons vir ons deursettings vermoë te beloon.

Die dag het aangegaan… maar so tussen Wiskunde somme en Engelse Grammar luister ek na Tom en Estie wat gesels oor hoe ons die Bybel, die Lewende, Geïnspireerde Woord van ons God behoort te lees en weer hiermee raak U aan my tot op die murg van elkeen van my bene.
Oor en oor gee U vir my die gedeelte uit Psalm 119 vanaf vers 97 – 108 en weer bevestig U vir my dat dit waarlik U Gees is wat my lei as Ek U woord lees, U het my oë oopgemaak, my geseën met die vermoë om U woord reg te verstaan.

U rig my op om aan te gaan met die taak wat U voor my gestel het… U kom maak vir U atleet ‘n protein shake om haar kragte op te bou en U kom klee U stryder in ‘n spink splinter nuwe wapen rusting. U kom sluit krag en geduld en liefde in my hart oop, wat voorheen vir my verberg gelê het.

Maar Pappa dis mos maar hoe dit gaan. Nes ons dink ons kan nie meer liefde bewys nie, nog meer nederig wees nie, nog meer geduldig wees nie, sodra ons dink dat ons nie nog nader aan U kan beweeg nie, dan trek U ons nog nader aan U bors en vou U, U groot sterk arms nog stywer om ons vas en dan versier U ons gesiggies met nog sagter, meer liefdevolle skoenlapper soentjies tot ons straal van U liefde en U glorie.

En dan hou die dinge ook nie daar op nie. Pappa onthou U toe ek gister aan vir my Skottie gesê het dat ek tog moet onthou om vir my vriendin te vra of sy dalk vir my daardie hoedjie vir Miachlan sal hekel, daardie een wat soos ‘n Liewenheersbesie lyk…. En vanoggend terwyl ek en Connel werk aan sy klanke gesels Soekie en haar ateljee gas en een van die goedjies wat die ateljee gas noem is oor die twee soorte liewenheersbesies. Daar is die oorspronklike, inheemse Liewenheersbesie wat al die plae vernietig, en dan is daar die indringer Liewenheersbesie wat van Asië af kom wat alles sommer net voor die voet vernietig. En so met een woord kom U en bevestig U nog van U beloftes en woord wat U al vir ‘n geruime tyd vir my gee.

U bevestig dat al die beloftes wat ek glo U vir my gegee het oor Miachlan en haar plekkie in die wêreld en die manier waarop U sal voorsien vir haar geboorte, dit is alles ware beloftes waaraan ek maar kan vas hou, beloftes waaroor ek openlik kan praat omdat ek nie dan as valse profeet afgemat sal word nie.

Die tweede bevestiging wat U vir my gee is dat ek die woord wat ek die laaste paar maande al konstant kry reg verstaan. Die leiers van ons gemeenskap, en hiermee bedoel ek die ouers van elke gesinstruktuur moet begin om die peste wat ons gemeenskap so teister uit te roei. Die enigste plek waar ons kan begin is by ons eie kinders.

Ons moet begin om ons oë oop te maak en te begin onderskei tussen die ware Liewenheersbesies in ons lewens en die indringer besies. Daar is elemente waaraan ons kinders bloot gestel word wat op die oog opslag heel onskadelik lyk omdat dit in die vorm van oulike animasies of onskuldige liedjies voorgelê word, maar sodra ons hierdie elemente van nader bekyk dan sien ons hoe hulle die saad wat ons so getrou in ons kinder se lewens plant verwoes.

Pappa daarom kom staan ek op my knieë voor U en ek vra nederig dat U elke ouer se oë sal oop maak sodat hulle, hulle kinders se omgewing kan suiwer van die indringer besies wat soos sprinkane U beloftes en U woord binne in hulle harte opvreet. Vader gee ons ouers die wete dat U hulle in ‘n gesags posisie aanstel het, dat hulle wel hulle kinders mag tugtig, volgens U woord en wel dit wat in hulle kinders se lewens ingespreek en ingelaat word, kan en mag en MOET filter.

Vader leer ons as ouers om U beloftes daaglikse EN volgens U WIL en WOORD in ons kinders se lewens in te spreek. Vader maak ons rustig genoeg in die aand om seën wense oor ons kinder te spreek terwyl hulle slaap en ook wanneer ons hulle verlaat om ons dag take te verrig. Gee dat ons sal begin om ‘n punt daarvan te maak om U seën oor ons kinders te spreek ook op spesiale geleenthede soos verjaarsdae en jaareind funksies en prys uitdelings. Mag ons waarlik die God gegewe Liewenheersbesies in ons kinders se lewens begin beskerm en die indringer besies begin uitroei.

Amen.

Lente Reën

Pappa

Vanmiddag lê daar ‘n ongewone atmosfeer hier oor ons plasie. Dit is ‘n mengsel van onbeskryflike opgewondenheid en afwagting, gemeng met ‘n bietjie spanning. Die wolke op die horison lyk so belowend en ek wil graag glo dat die reën wat daardie wolke belowe ook ‘n fisiese manifestasie is van die uitkoms wat U al vir so lank op soveel ander terreine van ons lewens belowe.

Vader of dit nou ‘n geestelike manifestasie van daardie uitkoms is of nie, Vader skeur die hemele oop en laat dit reën Pappa. Kom was die stof van die bome en die blare af, kom bad die voëltjies en die duikertjies wat hier in die veld voor die huis kom speel. Here kom les die dors van die gras en die veld blomme, laat die spruit weer sterk loop en laat die water weer lewe bring.

Laat die fonteine hier op die plaas weer borrel soos dit hier binne in my gees borrel. Pappa daar borrel ‘n ietsie, ‘n gevoel dat die beloofde land net om die draai is. Dit voel vreemd om hardop erkenning daaraan te gee omdat ek nie werklik kan verduidelik waar hierdie bewustheid vandaan kom nie. Van buite af, vir almal wat in kyk lyk dit op die oog af of my hoop op niks konkreet gebaseer is nie, maar ek staan vas op die beloftes en die vrede wat U my daagliks mee seën.

Vanoggend het die dametjie oor die radio gesels oor idees om ons geloof te versterk en sy het gesê dat dit nie die sterkte van ons geloof of die grote van ons geloof is wat saak maak nie, maar eerder die diepte van ons geloof. Here die diepte van ons geloof word gemeet aan die waarheid van ons geloof, dit forseer my, Pappa om weer die beloftes waaraan ek so styf vas hou teen U Woord, teen die enigste onfeilbare Waarheid te gaan meet. Die drang om die selfde met my aksies te doen bly ook sterk en alhoewel U woord my daagliks aankla en daagliks wys waar daar gesnoei moet word sodat ek goeie vrugte kan dra, oorweldig U liefde en ‘n onbeskryflike opgewondenheid my van voor af.

Here vandag kom ons al ons behoeftes weer oop voor U neerlê. Here U weet ons behoeftes is ten opsigte van hospitaal en dokters kostes met Miachlan se geboorte wat nie te vêr weg is nie. U Here weet wat ons nodig het ten opsigte van ons ander finansiële behoeftes. Vader ons vertrou dat U getrou in al daardie behoeftes sal voorsien sodat ons, ons verpligtinge en verantwoordelikhede kan na kom.

Vader U weet in watter opsigte ons gesin verdruk word in hierdie tyd. U weet van elke sprinkaan wat aan ons beloftes wil kom knibbel en elke wapen wat die vyand teen ons wil gebruik. Pappa beskerm ons, maak ons paraat sodat ons nie sal blind wees vir die gevare nie. Gee ons steeds die vrede om rustig snags in U arms te slaap.

Ek wag geduldig op U reën Pappa. U sal weer lewe bring daar waar dit lyk of dit net woestyn is. U is ons beskermer en ons toevlug en U sorg so wonderbaarlik goed vir ons.

Dankie Pappa vir al U genade en liefde en die vrede wat U oor ons uit stort.

Amen!

Ons Hemelse Vader vir wie ek so innig lief is…

In Lukas 11, vra Jesus se dissipels vir Hom om hulle te leer bid. Hierdie gedeelte is so ongelooflik bekend, dit is ‘n deel van die Bybel wat ons telkens hoor vandat ons klein is en tog lees ons net gou so vinnig daaroor omdat ons dink dat ons weet wat daar staan. Tog wil ek myself af vra hoekom ons dan nie altyd doen wat die woord van ons vra ten opsigte van gebed nie, dit beteken immers nie veel om die kop kennis rond te dra as ons dit nie toe pas nie.

Soos die ure van hierdie dag aanstap kry die gevoel dat die boodskappe wat deur hierdie eposse uitgaan harder en harder op die duiwel se stert begin trap. Die sentrale tema van al die boodskappe en publikasies op Koffietyd gaan oor die versoening tussen die Vaders en die Kinders van ons tyd. Die sentrale gedagtes draai rondom die Gees van Elia, en dit is vir my wonderlik omdat die artikels en die eposse nie lank vooruit beplan word nie. Ek skryf maar soos die Gees my deur die dag lei, en op hierdie manier is daar nie veel plek vir my slim idees en mense praatjies nie, maar moet my hart en my gees oop bly vir die stem van ons Pa.

 Ek is oortuig dat hierdie bediening besig is om ‘n doring in die bose se vlees te word omdat hy konstant die appel karretjie van ons gesin wat gereed maak om in ons beloofde land in te trek probeer omgooi. Verlede week het hy ‘n emosionele aanslag teen ons gesmee en die krag en die genade en die liefde van ons Here het ‘n laer rondom ons getrek en die vuur het ons nie geskroei nie en die vrede in ons huis was nie aangeraak nie.

 Vir die afgelope twee dae beleef ek dit weer dat daar ‘n aanslag is op ons in terme van die een plek waar ons as gesin kwesbaar is. Die Here het beloftes gemaak oor ons finansies. Met die nuwe baba oppad en dokters besoeke en hospitaal fooie het die Here ons gevra om Hom onvoorwaardelik te vertrou. Uit genade het ons ook die geloof ontvang om weer soos die lelies en die voëltjies van die veld uit Sy hand te leef, maar gister en vandag is die sprinkane wat ons beloftes wil kom opeet volop en lustig, en daarom is ek weereens so ongelooflik dankbaar dat die Here Lukas 11 vanmiddag met my kom deel het.

 Ons enigste verweer teen die sprinkane is gebed, die opregte, eerlike uitstort van ons harte voor ons God. En dan sal Hy ons ook antwoord soos Hy in Esegiël 12:28 aankondig: “So sê die Here my God: ‘Niks van wat Ek gesê het sal uitgestel word nie. Wat Ek gesê het, sal nou gebeur,’ so sê die Here my God.”

Laat ons nou saam bid soos ons in Lukas 11 deur ons Hemelse, Heerlike Bruidegom geleer word:

Pappa God

Ons Hemelse Vader vir wie ek so innig lief is. My Pa wat ek met soveel oorgawe wil dien. U is die trooster van ons harte se diepste angs en vrees.

Vanmiddag kom ek in my gebrokenheid, my menslikheid voor U staan. Vader mag al die eer vir die vreugde en vrede wat in ons lewens heers, U toekom. Mag U verheerlik word deur die liefde wat ons teenoor mekaar bewys en mag ons geloof in U beloftes soos ‘n helder loflied deur die wêreld weerklank. U Pappa is so getrou en so genadig en dit is vir my ‘n voorreg om op U skoot te kan sit en U stem te kan hoor.

 Pappa, ek wil saam met U Seun in Lukas 11 sê, “laat U Naam geheilig word en laat U koninkryk kom.” Vader mag U Wil ten alle koste geskied en mag U ons tot in ons onderskeie posisies bring sodat ons onsself, U Bruid, kan gereed maak vir die koms van U Seun, die Hemelse Bruidegom.

Vader kom voed ons gees, Vader kom praat met ons, ons wil U stem hoor, ons wil U teenwoordigheid voel, ons wil so baie graag nog meer van U leer. Breek U Woord vandag vir ons oop en kom lei ons in ons soeke na die Waarheid en na U Wysheid.

 Vader vergeef ons oortredinge, vergewe ons vir die slegte vrugte wat ons soms dra. Vader maak ons bewus van die wortels van ons ongehoorsaamheid en help ons Here om hulle sommer wortel en tak uit te kap. Here maak ons harte sag sodat ons die wat teenoor ons oortree ook kan vergewe soos U ons vergewe en Here dankie dat U bloed ons weer skoon was. U bloed laat ons spier wit, sonder skuld staan en daarvoor Here, loof ons U en prys ons U alleen.

Pappa terwyl ons smeek dat U ons teen die aanvalle van ons vyand sal beskerm wil ons U loof vir die beloftes wat U teenoor ons gemaak het. Vader die skrif sê vir ons dat die duiwel rondloop soos ‘n brullende leeu, ons lees van soveel kere wat die sprinkane kom U volk se beloftes op te eet. Vader mag hierdie aanvalle teen ons te vergeefs wees omdat ons, ons hulp by ons God en Vader gaan soek. Here U het ons al soveel keer uit genade beskerm en elkeen van die beloftes wat U teenoor ons gemaak het, het waar geword, en daarom kan ons nie anders as om aan U woord vas te kleef nie.

 Here God, onse Vader seën ons steeds met U vrede en U genade. Laat die hegtheid van ons gesinsbande en die egtheid van ons geloof deur hierdie aanvalle ongerep bly. Mag U namens ons die aanval afweer en mag ons spoedig in die beloofde land intrek. Mag ons steeds ons vreugde in U vind.

Vader ons bid dat die Bloed van U Seun ons sal bedek en dat ons steeds vrede en rus in U arms sal vind.

Amen.

Gideon – Deel 8

Teks Rigters 7: 8 – 15

In Rigters 7:8 – 12 lees ons dat Gideon en 300 man gereed gemaak het om die Midianiete aan te val. Die Here het weer Sy opdrag aan Gideon oorgedra en weer het die Here Gideon se vrees in ag geneem. Die Her se vader hart is sag en Hy wil ons vertroetel, net soos ons nie daarvan hou dat ons kinders moedeloos en bang moet wees nie, wil God ook nie hê dat ons moedeloos en bang moet wees nie.

In Rigters 6 gebruik die Here ‘n droom en die uitleg van die droom ons Gideon aan te por en vir hom moed te gee. Dit is ook belangrik om te sien dat Gideon nie self die droom gehad het nie, maar dat een van die vyand se manskappe die droom gehad het. Die Here het dus op ‘n wonderbaarlike manier ‘n onafhanklike bron gebruik om Gideon weer te verseker dat Hy op die regte pad is.

Die Here werk op sulke subtiele maniere. Dit belangrikheid van ons ongebore kind se naam lê baie swaar op my hart en ek het al telkemale vir die Here gevra om die naam oor en oor te bevestig. Die ongelooflikste bevestiging het Sondag Oggend gekom. In Zambezi rylaan is daar ‘n oom wat Fudge en ‘n Bybel versie verkoop. Die bordjie wat om sy nek hang het my aandag getrek omdat die feit dat die pakkie fudge ‘n Bybelversie insluit, groter as die prys of die naam fudge op die bordjie aangebring is. Die moedeloosheid in die oom se oë het ook my hart geroer en laastens sukkel ek maar om nee te sê vir ‘n soet dingetjie.

EK het eers later die dag na die Bybel versie gekyk en ek kon my lag nie keer toe die skrif op beide kante van die papiertjie weereens oor water handel nie. Dit was nie toeval dat daardie kaartjie in my sakkie fudge beland het nie, dit was nie toeval dat die oom daardie pakkie vir my gegee het nie, dit was die Here wat weereens my hart gehoor het en my kom antwoord het.

Durendheid is dit ook vir my opvallend dat Gideon ‘n punt daarvan maak om die Here te dank. Elke keer wat die Here vir Gideon vertroos of vir hom moed gee, stop hy eers waarmee hy besig is om die Here te dank. Dankbaarheid is een van die sleutels wat ons moet aangryp, want dankbaarheid hou ons harte sag en ons ore oop sodat ons intiem met ons Vader kan verkeer.

Hoe lyk jou dankbaarheids metertjie? Draai jou kerm masjien ook soos dies res van die wereld teen 10 000 revolusies per minuut, of het jy al jou rus en vrede by die Here gaan soek?

Gideon – Deel 7

Teks Rigters 7:1 – 7
In die laaste paar maande het dit vir my begin voel of daar soveel deure vir ons as gesin toe slaan. Teen die einde van verlede jaar was ons so opgewonde oor al die geleenthede wat ons skynbaar omring het. 2009 het swaar gedra aan beloftes en vooruitsigte, maar soos die jaar aan gestap het, het baie van hierdie geleenthede, nes die mense wat hulle oor ons pad gebring het, soos mis voor die son verdwyn.

Ek dink dit is presies hoe Gideon gevoel het toe die helfte van sy leer hom verlaat het, nadat hy die van hulle wat bang was, beveel het om eerder huis toe te gaan. Die Here het vir Gideon beveel om hierdie bevel aan sy manskappe te gee. God het aan hom verduidelik dat die doel hiervan was om seker te maak dat Israel nie hulle self sal verheerlik vir hulle oorwinning nie. God het gesê dat Israel oor hulle oorwinning by Hom, wat God is sou spog, en daarom moes Gideon sy manskappe verminder. Tog kan ek my net in dink hoe Gideon se moed in sy skoene gesak het toe sy leër van 20 000 manne na 10 000 gekrimp het.

Tog loof ek die Here vir die insig wat Hy deur hierdie gedeelte met my gedeel het. Dit is nou eers dat ek kan begin verstaan dat die uitkoms wat daardie geleenthede skynbaar sou bring ons nie nader aan God sou bring nie, maar ons eerder vêrder van Hom sou verwyder. Vêrder het dit my ook geleer om elke geleentheid wat sy kop uitsteek en elke besluit wat ons moet neem eers met die Here te gaan bespreek. Aan die einde van elke gesprek seën die Here my dan met die vrede dat Sy wil vir ons net die beste insluit en daarom kan ek my dan berus by die uitkoms van al die draaitjies wat die lewe met ons stap. Die teleurstelling van toe deure word deur hierdie vrede versag, terwyl die opgewondenheid van oop deure 10 000 keer vermenigvuldig word.

In vers 4 lees ons dat die Here vir Gideon sê dat 10 000 manne steeds te veel is, en in die daarop volgende verse lees ons van die vêrdere siftings proses. Die siftings proses het gepaard gegaan met die manier waarop die manne water gedrink het. Die manne wat water soos honde opgelek het, moes Gideon huis toe stuur. Op die ou einde van die dag het daar net 300 manne oorgebly.

Die siftings proses herinner ons aan hoe kieskeurig ons met ons span maat moet wees. Die meeste mense lyk of hulle eerlikheid aan die dag lê, en tog sodra die lewe begin knyp, of sodra daar die geleentheid vir self vervulling kom verdwyn die omhulsel van goed opgevoede mens en dan verskyn die “dier” in soveel mense. Dit is baie belangrik om seker te maak dat ons onsself omring met Goddelike mense, eerder as met mense wat soos ‘n tyd bomme rondom ons lê en wag vir die regte tyd om af te gaan.

Hiermee bedoel ek glad nie dat ons mense links en regs moet oordeel nie, NEE ons moet almal met God se onvoorwaardelike liefde hanteer, maar dit beteken nie dat ons onverskillig ten opsigte van ons gereelde of konstante geselskap moet wees nie. Ons moet ook gaan kyk na watter tipe geselskap ons vir ander is.

Sou jy een van die 300 manne by Gideon kon wees? Wanneer laas het jy soos Gideon met die Here gaan praat oor daardie besluit wat so swaar op jou gemoed lê? Wanneer was die laaste keer wat jy jou God, wat alles vir jou ten goede wil laat mee werk, ten volle vertrou het? Kan jy die leuens van die Satan weerstaan? Sou jy nes Gideon kon gehoorsaam wees as die Here vir jou sou sê dat jy in Sy naam ‘n hele nasie met net 300 man sou verslaan?

Gideon – Deel 6

Teks Rigters 6:32 – 40
Rigter 6 vanaf vers 32 vertel vir ons eers van Gideon se nuwe identiteit. Die verwysing na Gideon se nuwe naam herinner ons aan die feit dat as ons besluit om die Here heelhartig te volg dat dit nie net ‘n oppervlakkige besluit is nie, ons identiteit moet verander. Ons moet ons God gemaakte identiteit aanneem eerder as om aan ons ou wêreldse identiteit vas te klou, voor ons Sy skepping droom vir ons kan verwesenlik.
Ons God gemaakte identiteit is so spesiaal, dit is in ons gees ingeweef. Dit is ‘n identiteit wat ons as ouers oor ons kinders moet spreek. Ons moet God se plan vir hulle lewens in hulle geeste inspreek op ‘n daaglikse basis. Ons moet ‘n gewoonte daarvan maak om hulle en ons huise en almal wie ons teëkom te seën soos die Here ons in Sy woord beveel om te doen.
God beveel ons, of jy sit en of jy staan, waar jy ok al gaan, vra dat die Here jou seën!

Dit is nooit te vroeg of te laat om ons kinders te begin seën nie. Van die tyd wat ons kinders in ons baarmoeder toegevou is kan ons hulle seën tot die dag wat ons, ons laaste asem uitblaas moet ons aanhou om hulle te seën. Dit is die eerste stap om hulle te lei om ook hulle skeppings doel te bereik.

Vêrder lees ons vanaf vers 33 van al die manskappe wat Gideon begin bymekaar maak het. Dit is belangrik om ‘n nota te maak van die deel in vers 34 waar die skrif vir ons sê dat Gideon deur die Gees van die Here vervul is. Dit is belangrik dat ons sal seker maak dat ons leiers Gee vervulde mense is en dat die van ons wat as leiers optree, dat ons ook deur die Gees vervul is. Sou dit nie die geval wees nie, kan ons maklik op ‘n dwaal spoor gelei word of ander op ‘n dwaal spoor lei.

Nadat Gideon boodskapper uitgestuur het, nadat hy die eerste saad van sy oes gesaai het, het hy net weer by die Here gaan seker maak dat Hy op die regte pad is. Hy doen dit twee keer. En elke keer bevestig die Here sy roeping vir Hom.
Dit is belangrik om ook ‘n nota te maak van die feit dat Gideon nie sy taak gekry het en dan op sy eie die taak probeer verrig nie, NEE, hy gaan elke keer terug na die Here toe, hy bly na aan die Here om seker te maak dat hy nie sy eie selfsugtige belange hoër op die prys stel as God se Wil nie.

Gideon besef die las van sy verantwoordelikheid, en daarom maak hy eerder herhaaldelik seker dat hy die Here se stem reg gehoor het. Die skrif is baie duidelik, dit sê telkemale vir ons dat ons niks van God se woord moet weglaat of moet by voeg nie, ons moet dit oordra soos dit vir ons gegee word en die selfde geld vir die take wat Hy ons gee. Ons kan nie net op ons eie aangaan en dan Sy seën op ons hande werk wil afbid nie, nee ons moet ons streng by sy voorskrifte hou en so sy wil laat geskied.

Dit is ook belangrik om durendheid op te let dat Gideon nooit in hierdie tyd sy nederigheid prys gee nie. Hy hou hom nederig voor die Here. Hy vra om verskoning omdat hy herhaaldelik vir bevestiging vra. Gideon respekteer God se outoriteit en verstaan die verantwoordelikheid wat daar op sy skouers lê. Maar Gideon weet ook dat Hy dit nie in sy eie krag te doen nie, omdat dit die Here is wat hom gestuur het.

Ons noem onsself so maklik Christene en ons vertel so maklik dat die Here ons geroep het, maar terwyl ons God verteenwoordig, is ons besig met Sy Wil of ons eie agendas? Waarmee hou jy jou besig in die naam van die Here, is jy besig met Sy dinge of jou dinge? Het jy vrede oor dit waarmee jy besig is, het jy al met Hom gaan praat oor jou besige skedule, het jy Hom al gevra om jou dag vir jou te beplan? Is jy bereid om jou besige skedule wat jy so trots probeer balanseer voor Sy voete te gaan neerlê, sodat jy Hom op Sy tyd en nie op jou tyd kan ontmoet nie?

Gideon – Deel 5

Teks Rigters 6:25 – 31
In Rigters 6:25 lees ons van die gebeurtenisse rondom die openbaring van Gideon se eerste taak. Gideon word beveel om ‘n waardevolle bul van sy pa te neem, sy pa se afgodsbeeld en die afgod se gewyde paal af te kap. Gideon word dan ook beveel om ‘n nuwe altaar vir God op daardie selfde plek te bou. Die hout wat vir die altaar gebruik moes word was die hout van die gewyde paal.

Voor ons, ons roeping of skeppings doel kan vervul moet ons eers bietjie huis skoon maak. Die bogenoemde verse is nie ‘n lisensie om op te hou om ons ouers te eer nie, ook nie om hulle te veroordeel nie. NEE! Dit dui bloot op die feit dat ons onsself vanaf ons diepste wortels moet reining. Ons moet bereid wees om ou denkpatrone en gewoontes neer te lê as hulle in die pad van ‘n intieme verhouding met God staan. Ons moet toe laat dat God ons emosionele wonde genees, veral die wonde wat ons as kinders opgedoen het.

Die afbreek van die afgod se altaar dui daarop dat ons alles wat belangriker as die Here is moet neerlê. Niks en niemand mag belangriker as God wees nie. Ons moet ons verslawings vernietig en onsself totaal en al weer aan God wy. Ons moet ons grondgebied, ons hele wese vir God eenkant hou, rein hou, spesiaal hou.

Dit is ook belangrik om daarop te let dat Gideon die oorblyfsels van die gewyde paal moes gebruik vir die altaar. Hierdeur word ons herinner dat ons, ons afgode heeltemal moet vernietig en dat God deur die neerlê van ons afgode verheerlik sal word. Ons heel grootste doelwit moet dit wees: Om God deur alles te verheerlik.

Vers 27 vertel ook vir ons van hoe Gideon in die nag te werk gegaan het om sy opdrag uit te voer. Hy sy opdrag onder die skuiling van die donker uitgevoer omdat hy bang was vir die mense en ook vir sy familie. Hierdie gevoel van onsekerheid en vrees is nog vars in my geheue. Ek was bang vir veroordeling. Ek was skrikkerig om my nuut gevonde liefde en intimiteit met God te verkondig want ek was nie lus vir die “maar Christene maak nie so nie” en “jy noem jouself ‘n Christen” praatjies nie.

Dit is juis omdat ek self hierdie vrees en angstigheid beleef het dat ek gedurig bid dat die Here my liefdevol teenoor my medemens, veral “jong” Christene sal maak. Ek wil tog nie hê dat my broers en susters vir my moet bang wees nie… hoe moet die liggaam van Christus funksioneer as ons vir mekaar bang is? Hoe sou ek kon skryf as my wysvinger vir my duim bang moes wees?

Gideon se vrese word in vers 28 – 30 bevestig. Die mense was kwaad en hulle wou wraak neem. Tog sien ons in vers 31 hoe Gideon se aardse pa vir hom opstaan en sonder om verskonings te maak, behartig hy sy seun se saak namens hom. Ongelukkig werk dit nie altyd so dat jou eie aardse Vader vir jou gaan opstaan in ‘n soortgelyke situasie nie. Soms trap ons metamorphose op ons geliefdes se tone of soms prikkel dit hulle eie onsekerhede en pyn, en omdat ons geliefdes slegs mense is kan hulle jou dan in daardie tyd nie altyd ondersteun nie. Dit is nie nodig om hulle hiervoor te veroordeel nie. Aanvaar hulle standpunt, leef jou geloof uit en oorspoel hulle met Christus se liefde, so sal jy ook weer ‘n kosbare getuienis in hulle lewens wees.

Dit is juis oor hierdie struikel blok dat die Here ook dan vir ons geestelike vaders gee. Ons geestelike vaders of mentors word deur God aangestel om oor ons geestelike groei te waak en ons te lei op hierdie nou paadjie wat die Here vir ons uitgelê het. Ter selfde tyd is dit belangrik om te weet dat ons geestelike leiers en mentors ook maar net mense is, hulle is nie volmaak nie en nie sonder foute nie, en daarom moet ons heel eerste op God vertrou vir wysheid en vir die vermoë om die Waardheid van leuens te kan onderskei.

Ons word ook gewys op die nutteloosheid van ons afgode. Dit is belangrik dat ons die verskil tussen Goddelike Sekuriteit en menslike sekuriteit te leer. Ons moet een honderd persent ons vertroue slegs in God stel. Ons moet ons vereenselwig met Sy wil en ons ore oophou sodat ons kan hoor wat Hy vir ons wil sê en ons moet ons oë oophou sodat ons kan sien hoe die Here vir ons wil sorg.

Soveel mense sit in sak en as, en dit alles te danke aan die ekonomiese klimaat wat ins ons land en in die wêreld heers. Depressie en spanning seëvier in soveel mense se gemoed. Soveel mense is platgeslaan omdat hulle hele sin vir sekuriteit op hulle koppe gedraai is en vernietig is. Ons menslike sisteme was toe nie so onfeilbaar nie, en ons beleggings was toe nie so veilig soos ons gedink het nie.

Wat het jy sovêr al uit die ekonomiese chaos geleer, wat het jou eie finansiële penarie jou wys gemaak? Kan jy ook saam met my opstaan en die Here dank dat jy weer terug is op jou knieë, totaal en al afhanklik van die Here ons almagtige God? Is jy ook bly dat jy weer die eenvoud van die lewe kan geniet soos die lelies van die veld, voel jy ook so vry soos die voëltjies in die lug, het jy al jou sorge by die kruis gaan los sodat God jou vry kan maak en vir jou kan vrede gee?

Gideon – Deel 4

Teks Rigters 6:23 – 25

In Rigters 6:23 lees ons hoe die gebeure van die dag vir Gideon oorweldig het. Weereens het sy taak vir hom te groot gelyk, en weer praat die Here met hom, weer vertroos die Here hom.  Dit gebeur so gereeld dat ons ook herhaaldelik ook so oorweldig voel en dat die Here ons moet kom vertroos.

Vandag was juis een van daardie dae. Die seuntjies volg ‘n tuis skool program en alhoewel dit nie ‘n geval is van kinder speletjies nie, geniet ek die voorreg om hierdie kosbare jare saam met my kinders te kan spandeer geweldig. Een van my take is om my Erfstukkie te leer om nie sy talent ten opsigte van sy vermoë om mense goed op te som vir sy eie selfsugtige doeleindes te gebruik nie.

Die droom wat die Here sovêr vir sy lewe met my gedeel het sluit in dat hy hierdie talent moet gebruik om mense op te rig en te ondersteun. Tog sukkel ons met hierdie stukkie van sy opvoeding. Die emosionele wonde uit sy onstuimige baba jare veroorsaak dat hy eerder net na homself wil omsien, sy belange bo ander se belange stel, sonder om twee keer te dink oor die gevolge van sy aksies.

Vandag het hy weer besluit om te probeer om my geduld en lank moedigheid uit te buit, so asof dit ‘n swakheid is… dit het sommer my moed in my skoene laat sak en my laat voel of ons nou weer tien treë agteruit gegee het nadat ons die hele week darem dit kon reg kry om sovêr 5 treë vooruit te gee. Tog het ons Pappa gekom en my met wysheid en insig geseën sodat ek die situasie reg kon hanteer, en so kon ek steeds Sy Naam vereer en ook nog ‘n stukkie hemelse gereedskap in my rugsak sit.

Nadat die Here Gideon vertroos het, het Gideon ‘n altaar gebou. Die naam van die altar was “God gee gerus.” Die bou van die altaar wys ons nie net op Gideon se dankbaarheid nie, maar ook op die opofferings wat ons moet maak op hierdie  pad wat ons saam met die Here stap. Soos ons vêrder in Rigters lees, sien ons al die opofferings wat Gideon moes maak om die Here se wil te kon nastreef. So moet ons elkeen persoonlik ook bereid wees om opofferings te maak.

God het immers die grootse opoffering ooit vir ons gemaak, Hy het vir ons met die bloed en die lewe van Sy Seun betaal. Dit is juis uit dankbaarheid dat ons dan onsself moet gereed maak soos ‘n bruid haarself gereed maak. Ons bruidskleed moet verander van ‘n verflenterde wêreldse kleed na ‘n koninklike kleed….

Hoe lyk jou kleed vandag? Het jy die moeite gedoen om hom skoon te hou, hoe lyk jy as die wêreld na jou kyk, kan hulle sien dat jy deel Jesus se Bruid is… of sit jy nog op die ashoop in jou vuil flenters?