I will always share my spoon with you…

A Holy man was having a conversation with the Lord one day and said, ‘Lord, I would like to know what Heaven and Hell are like.’

The Lord led the holy man to two doors.

He opened one of the doors and the holy man looked in.

In the middle of the room was a large round table..

In the middle of the table was a large pot of stew,

which smelled delicious and made the holy man’s mouth water.

The people sitting around the table were thin and sickly.

They appeared to be famished. They were holding spoons with very long handles that were strapped to their arms and each found it possible to reach into the pot of stew and take a spoonful.

But because the handle was longer than their arms, they could not get the spoons back into their mouths.

The holy man shuddered at the sight of their misery and suffering.

The Lord said, ‘You have seen Hell. They went to the next room and opened the door. It was exactly the same as the first one.

There was the large round table with the large pot of stew which made the holy man’s mouth water.

The people were equipped with the same long-handled spoons, but here the people were well nourished and plump, laughing and talking.

The holy man said, ‘I don’t understand.

‘It is simple,’ said the Lord. ‘It requires but one skill.

You see, they have learned to feed each other.

The greedy think only of themselves.’

Pad Na Sion – Aanhef

So sê die Heilige, die Ware God wat die sleutel van Dawid het, wat die deur oopsluit en niemand sal dit weer toesluit nie, en dit toesluit en niemand sluit dit weer oop nie:

My Liefste …….

Ek weet jy is moeg gespartel daar tussen die golwe van die lewe. Ek weet jou arms en jou bene pyn. Ek weet jou hart voel soos ‘n klip, wat jou hier vanuit jou binneste, onder die water in dwing.

Ek weet hoe klein jy teen die golwe voel. Ek tel elke traan wat jy stort… die wind wat hier teen jou wang verby skuur… dis Ek wat elke traan kom afdroog.

Ek is daar waar jy is: Ek is in die donderweer wat dreun en die weerlig wat so flits. Ek sien jou, Ek hou ‘n oog oor jou.

Ek weet jy is skaam oor dit wat gebeur het. Ek weet jy is verleë en jou skaamte en jou skuld gevoelens jaag jou soos genadelose spoke deur die oseaan se waters.

Ek weet jy is kwaad en bitter. Ek weet van al die onderdrukking wat jy verduur het. Ek weet hoeveel daar van jou gesteel is. Ek het elke een van jou wonde opgeskryf, elke verlies het Ek opgeteken! Vir daardie opofferings sal ek jou tien voudig beloon… Jy sal meer as net klein geld terug kry vir die diens wat jy sovêr vir My verrig het.

Ek weet jy voel alleen, Ek weet jou maters is maar skaars in hierdie rowwe tyd, maar Ek is hier! Ek wil myself vir jou neerlê, soos ‘n brug oor hierdie onstuimige see. 

My engel, appel van My oog, ek weet jy is platgeslaan. Ek weet jy voel so verlate soos ‘n weeskind, ek weet jy voel so alleen soos ‘n weduwee. Ek weet die donker het met ‘n harde slag om jou toegeslaan. Ek wil jou las vir jou kom dra – Ek wil jou kom troos.

Ek is klaar hier, die brug is klaar gebou my Liefling, dis net jy wat deur die sout water in jou oë moet tuur en My moet raak sien. Dis jy wat net moet vasgryp aan die brug sodat Ek jou kan optel en sodat jy van My brug gebruik kan maak.

Kyk hoe verlig die droom en die seëninge wat Ek voor die grondlegging van die aarde vir jou beplan het, die brug. My plan vir jou skyn so helder, kan jy dit sien? Gryp My vas, Ek wil die sout water wat jou ogies so brand kom weg vee sodat jy die glorie wat ek vir jou beplan het kan waardeer.

Ek wil jou afdroog en jou warm toevou, Ek wil vir jou nuwe, droë klere aantrek en jou honger magie vul met kos wat se smaak jy nog nie eers in jou wildste drome geproe het nie. Ek wil vir jou ‘n fees maal hou met die beste wyn om jou dors te les… Ek is klaar hier my Geliefde Bruid, Ek is die brug oor hierdie onstuimige see, Ek is die antwoord en die hoop waarna jy so desperaat opsoek is…. jy hoef nie eers vêrder te swem nie, Ek is hier binne gryp afstand… Kan jy My al sien??

Ek is lief vir jou!  My Eerste Liefde, Vlees van My Vlees – Ek verlang so innig, so baie verskriklik na jou… wil jy maar nie My hulp en My liefde aanvaar nie?

Hou jou Kastaiings uit die Vuur Deel 4 – Dit is man en dit is vrou, maar wie is hulle saam?

 In die vorige hoofstuk het ons gekyk na die rol van die man en die vrou soos dit opgeteken staan in Genesis 2 : 4 -3:22. Die slotsom waarby ons uitgekom het is soos volg:

• Die man en vrou is albei deur God geskape en hulle is as gelyke geskape.
• Die man verwesenlik God die versorger van ons basiese fisiese behoeftes en daarom dien die man as konstante herinnering daaraan dat God aan ons fisiese behoeftes voorsien.
• Die vrou verwesenlik God die versorger van ons emosionele behoeftes en daarom dien die vrou as konstante herinnering daaraan dat God ook aan ons emosionele behoeftes voorsien.
• Die vrou is die moeder van al die mense en die feit dar sy die baarmoeder in haar dra wys daarop dat sy nie net gewer van lewe is nie, maar ook die emosionele en geestelike beskermer van die man.
• Na die sondeval is die vrou onder die man aangestel.
• Na die sondeval neem die man die posisie as die hoof van die huis in en daarom is hy die fisiese beskermer en die leier van die gesin.
• Saam beteken Adam en Eva lewende mensdom. Die skeiding van die twee se uiteinde is altyd die dood in die vorm van die agteruitgang van ons samelewing.

In Genesis 2:24 beskryf die uiteinde van die samekoms tussen man en vrou. Daar staan geskrywe: “Daarom sal ‘n man sy vader en sy moeder verlaat en saam met sy vrou lewe en hulle sal een word.”

Maar wat beteken hierdie proses van en word? Waarom het God die huwelik tussen man en vrou ingestel? En hoe het ons so verblind geraak dat ons die counterfeit weergawe wat die wêreld ons bied met sulke oop arms verwelkom?

Reg deur die skrif en veral die boek Hooglied maak dit vir ons duidelik dat die huwelik die bloudruk is vir die tipe verhouding wat God met ons elkeen wil hê. Die huwelik is daargestel om as voorbeeld en voorbereiding te dien vir die bruilof van alle bruilofte, die wederkoms. Soos die tyd aangestap het, het mense na die huwelik begin verwys as slegs ‘n belofte, maar die skrif beskryf dit as ‘n verbond. In engels praat ons van ‘n covenant.

Dit was eers nadat ek die oorspronklike sluiting van ‘n verbond gaan navors het, dat ek die êrens van die verbond tussen mens en God en man en vrou begin verstaan het. Dit was die gebruik dat wanneer ‘n verbond tussen twee partye gesluit is dat beide die partye ‘n dier bring, die diere is dan geslag en die bloed is op die grond gestort. In die geval van ‘n huweliks verbond het die twee vaders van die man en vrou onderskeidelik, voor menigte getuies, deur die bloed gestap as teken dat die enigste uitweg uit die verbond die dood is. Sou een van die partye van die huweliks verbond die verbond breek dan sou hulle Vader wat deur die bloed gestap het, met sy lewe daarvoor betaal. God het die selfde verbond met Abraham gesluit in Genesis 15. Behalwe dat dit ‘n eensydige verbond was. Maak nie saak wie die verbond breek nie, God sou met Sy lewe daarvoor betaal. God se volk het soveel keer die verbond verbreek, en daarom moes die bloed van Jesus Christus gestort word ons weer met ons God te versoen en om sodoende ‘n nuwe verbond te sluit. Die bloed en water wat uit Jesus se sy op geloop het nadat Hy met ‘n spies deurboor is, het Hom met Sy bruid versoen.

As God bereid was om so vêr te gaan vir Sy geliefde wat soveel keer ontrou was aan Hom, dan is daar eintlik geen verskoning vir ons as gelowiges om nie ook so toegewyd aan ons huweliks maat te wees nie. Hierdie opdrag word vir my so mooi saamgevat in Efesiërs 5:21. As moderne vrou, het ek baie keer verby hierdie skrif geblaai en dit geïgnoreer omdat dit vir my maar baie ouderwets geklik het, totdat ek dit uit my nuwe perspektief gaan lees het. As ek dit in kort sou moes vertaal en dit eenvoudiger stel dan sal dit na so iets klink:

“Mans, vrouens, wees onderdanig aan mekaar uit respek en eerbied vir die groot opoffering wat Jesus Christus aan die Kruis vir ons gemaak het.

Dames, dien julle mans soos julle vir Christus dien… m.a.w. maak vir hom kos so asof jy dit vir Christus doen, wees vir hom lief sodat jy op die manier vir Christus behaag, respekteer sy besluite uit respek vir die posisie waarin Christus hom aangestel het.

Menere wees lief vir jou vrou soos Christus ons lief gehad het. Geen prys mag te hoog wees om vir haar te betaal nie, geen opoffering mag te groot wees nie, omdat Jesus bereid was om Sy lewe vir ons op te offer m.a.w. sien om na haar behoeftes soos Christus na ons behoeftes om sien, behandel haar met die selfde liefde en respek wat Christus ons mee behandel het, wees haar behulpsaam soos wat Christus ons steeds vandag behulpsaam is. “

Die wêreld het ons laat glo dat die rede vir die huwelik, ons eie persoonlike geluk en vervulling is, maar hierdie is ‘n ongelooflike selfsugtige uitkyk op die lewe. As ons eerlik na God se huwelik met Sy Bruid kyk dan kan ons sien hoekom God vir Hosea ‘n prostituut as vrou gekies het, toe Hy Hosea se huwelik as teken van Sy verhouding met Sy volk gebruik het. Die hoof doel van die huwelik is nie geluk nie, maar die verheerliking van ons Hemelse Vader en ons Heerlike Bruidegom. As ons maar net elke oomblik van elke dag ons huwelike so kan benader sal ons die diep geheimenisse waarvan daar in Efesiërs 5 gepraat word, begin verstaan en begin leef en dan omdat ons so onselfsugtig onsself vir ons huweliks maat opoffer, sal hulle mettertyd ook die selfde vir ons doen en dan kan die by produk van hierdie verbond net geluk wees, maar bo dit alles, maak nie saak hoe die harde werk wat ons nou in ons verhouding moet in sit, ons laat voel nie, die enigste doel wat ons voor oë moet hou is die verheerliking van ons Vader, Koning, Pa en Bruidegom.

As hierdie tog maar net deel van ons skool kurrikulum kon uitmaak, of as iemand êrens in ons kinder jare die huwelik en ons plig as man en vrou teenoor mekaar op hierdie manier kon verduidelik het, was daar soveel minder kastaiings wat ek en my lewens maat uit die vuur moes krap… dan was daar dalk soveel minder verbrokkelde verhoudings en dan weet ek ook definitief van soveel minder egskeidings wat sou plaas gevind het… is dit nie dalk omtrent tyd dat ons, ons kinders van kleins af begin leer hoe om hulle kastaiings uit die vuur te hou nie?

Hou jou Kastaiings uit die Vuur Deel 3 – Wat is ‘n Man en Wat is ‘n Vrou (2)

In die vorige hoofstuk het ons gekyk na die rol van die man en die vrou soos dit opgeteken staan in Genesis 2 : 4 -18. Die slotsom waarby ons uitgekom het is soos volg:
- Die man en vrou is albei deur God geskape en hulle is as gelyke geskape.
- Die man verwesenlik God die versorger van ons basiese fisiese behoeftes en daarom dien die man as konstante herinnering daaraan dat God aan ons fisiese behoeftes voorsien.
- Die vrou verwesenlik God die versorger van ons emosionele behoeftes en daarom dien die vrou as konstante herinnering daaraan dat God ook aan ons emosionele behoeftes voorsien.

Tog hou die skrif nie hier op nie en soos ons vêrder deur Genesis 2 lees vind ons nog sleutels tot die identiteit van die man en die vrou. Vers 19 en 20 verduidelik vir ons hoe God al die diere na die man gebring het en hy hulle almal name gegee het, hulle deur gekyk het en tog het hy nie een wat sy gelyke was gevind nie. Nie een van die diere was sy gelyke nie.

Hierdie skrif lyk op die oog opslag vir ons wat so gewoond as aan die wêreld soos dit vandag is, so onbelangrik, maar tog wil dit vir ons iets sê van hoe belangrik dit vir God en die man was dat die man ‘n helper gekry het wat by hom gepas het. Dit is ook belangrik om te sien dat God heel eerste die keuse vir helper by die mens gelaat het, en nadat die mens besluit het dat nie een van die diere sy gelyke was nie, het God ingegryp en vir die mens ‘n helper, ‘n gelyke gemaak.

Dit is ook belangrik dat ons weereens die waarde van hierdie twee verse met ons kinders deel. Soos hulle groot word gaan hulle baie moontlike lewens maats tee kom en God se genade is groot genoeg dat as hulle in die huwelik sou tree met een van daardie lewens maats wat dalk nou nie vir hulle bedoel is nie, dat God hulle tog sal seën, juis omdat Hy ons die reg om te kies gegee het. Tog moet ons ook met hulle die wonder van vers 21- 25 ook deel.

Nadat die mens nie ‘n geskikste gelyke onder die diere kon kry nie, het God hom aan die slaap gemaak en vlees uit die mens se sy gebruik om vir hom ‘n helper te maak. En hierin lê die volgende sleutel van die man en die vrou se identiteit. Die man en vrou is gemaak om mekaar aan te vul. Tussen man en vrou is daar ‘n heilige band, die een is uit die ander gehaal. Man en vrou is gemaak om naak (openlik, sonder pretensie en maskers) voor mekaar te staan.

Elke paar soos Vader ons voor die grondlegging van die Aarde vir mekaar geskape het, is die perfekte paar. Hulle sal mekaar se sterk en swak punte aanvul. Sy sal wees vlees van sy vlees, been van sy been, skaamte van sy skaamte.

Hiermee bedoel ek glad nie dat die verhouding tussen hierdie man en vrou maklik en sonder hak plekke gaan wees nie. Om mekaar aan te vul sal ons juis tien teen een teenoorgesteldes wees en daarom sal dit vir ons moeilik wees om mekaar te verstaan. Maar as ons elkeen se posisie verstaan dan sal ons kan begin om die verskille tussen ons te aanvaar en te respekteer. En mekaar die spasie gun om ons afsonderlike rolle te vervul.

Ons kan egter nie na die identiteit van die man en die vrou kyk sonder om na die sondeval in Genesis 3 te kyk nie. In hierdie gedeelte sien ons dat die vrou deur die slang verlei word om van die vrug van die boom van Kennis van Goed en Kwaad te eet en hoe sy dan ook die selfde vrug aan haar van gee om te eet.

Alhoewel dit belangrik is om notisie te neem van die duiwel se slinksheid en die manier waarop Hy die waarheid verdraai, is dit net so belangrik om nie te vergeet dat die vrou steeds die keuse gehad het om nie na die slang te luister nie. Die grootste fout wat die vrou begaan het was om nie te vertrou dat God haar met die nodige kennis sal toerus nie en daarom het sy kennis in a ander vorm as van God aanvaar.

Die vrou kan ook gesien word as die beskermer van die man, veral as ons kyk na die engelse benamings, man en woman (man with a womb.) Die baarmoeder gee en beskerm lewe en daarom is dit deel van die vrou se identiteit van die vrou om as haar man se beskermer op te tree. Dus kan ons in hierdie gedeelte ook sien dat as die vrou uit haar posisie tree kom daar dood oor haar man. Hiermee ignoreer ek glad nie die feit dat die man steeds ‘n keuse gehad het nie, en dat ‘n man wat ook uit posisie beweeg en buite sy God se wil handel, ook swaarkry oor sy familie bring nie. Tog is dit vir my belangrik om die vrou se identiteit as geestelike en emosionele beskermer van die man te beklemtoon, veral omdat die samelewing die vrou as die damsel in distress en die swakker geslag skets en hierdie beeld word in die koppe van ons dogters ingeprent en daarom sukkel ons dogters om op te staan in hulle posisie in die Bruid.

Vanaf vers 14 deel God die straf vir die sonde wat sy kinders van Hom vervreem het uit. In vers 16 word die vrou se straf aan haar gegee en die laaste twee sinne gee vir ons nog sleutels tot die identiteit van die vrou. Die Here het aan die vrou gesê dat na haar man sal hunker en dat hy oor haar sal heers. Dus is dit belangrik dat ons verstaan dat ons verlange na die man en lewens maat wat Vader vir ons geskape het deel van ons identiteit geword het en ons moet ook aanvaar dat God in hierdie verse die man as hoof van die huis aangestel het. Dit beteken glad nie dat ons rol as die man se emosionele en geestelike beskermer wegval nie, maar dit beteken wel dat ons aan die man onderdanig moet wees en sy besluite moet respekteer.

Hierdie verse plaas ook ‘n verantwoordelikheid op die man, want alhoewel hy as hoof oor die gesin aangestel is, waarsku die skrif oor en oor dat die mens nie die gesag wat Vader hom gegee het mag gebruik om ander te onder druk nie. Vêrder lees ons dan van die vloek wat die mens oor die aarde gebring het, en die moeite waarmee die man vir sy gesin en sy familie sal sorg.

Die gedeelte sluit af met die gedeelte waar die mens sy vrou Eva noem. Eva kan vertaal word as lewend en die Hebreeus vir Eva klink baie soos die Hebreeus vir Adam. Adam beteken mensdom. En selfs in die name van die eerste twee mense word daar vir my ‘n belangrike sleutel opgesluit. Die oomblik wat die man of die vrou of beide uit hulle posisie beweeg is die dood die uiteinde. Saam verskaf die man en vrou soos deur God bymekaar geplaas die platform vir ‘n lewende mensdom, maar sodra die twee van mekaar geskei het, gaan die mensdom agteruit en tans getuig die ooreenkoms tussen die hoë egskeidings syfer en die agteruitgang van ons samelewing van hierdie sleutel.

Ek sal nie gaan voor U my nie Seën

Pappa

Ons staan weer vandag hier in die Jabok Rivier soos Jakob (Genesis 33:23-32), hierdie rivier moet ek vandag nog deur… Vader aan die anderkant lê die beloftes, die seëninge wat U vir ons het, maar eers moet ek hierdie rivier deur.

Vader kom ontmoet my, kom wys my wat ek moet verander, laat my U aangesig aanskou Vader, ek sal en kan nie ophou voordat U my nie geseën het nie, nie voor U my naam verander het nie, Vader kom en ontmoet Vader hier waar ek voor U staan.

Vader kom oortuig my van dit wat my verhinder om nog vêrder te gaan en nog nader aan U te groei. Vader kom way vir my watter deel van my lewe nog nie aan U behoort nie. Vader ek sal nie van hierdie plek af weg gaan voor U nie met my kom praat het nie.

Die beloftes wat U aan my gegee het is wonderlik, die pad wat ons stap is intiem, maar tussen ons staan daar nog goed wat my keer om nog vêrder in oorgawe vir U te leef, Vader kom wys my wat daardie goed is sodat ons dit wortel en tak kan uit roei.

-          Deuteronomium 11:19 Leer dit vir jou kinders deur met hulle daaroor te praat, as jy in jou huis is en as jy op pad is, as jy gaan slaap en as jy opstaan. Skryf dit op jou deur kosyne en op jou stadspoorte. Dan sal julle, julle nageslag lank, ja so lank as die hemel en die aarde bestaan, bly woon in die land wat die Here met ‘n eed beloof het o aan julle voorvaders te gee.

Here ek belowe om hierdie instruksie na te volg met meer en meer volharding en oorgawe uit te voer. Vader seën my met die insig, die wysheid en die liefde om die onverganklike saad met sukses in my kinders se harte te saai.

Vader hiermee wei ek ook ons hele plaas, elke stukkie gras en grond aan U my God. Op hierdie plaas sal niks geplant of gesaai word sonder U instruksie nie, hier sal niks geoes word sonder U toestemming nie, Here. Elke mens en dier wat hierdie grond betree is onderworpe aan U wil Here. Hierdie plaas is U grondgebied. Hier heers net U en hier mag net U wil geskied. Mag elkeen wat hierdie grondgebied sonder die nodige respek hanteer, besef dat U God is, dat U sovereign is, en dat U in beheer is.

Vader trek ‘n laer om hierdie grond, laat U Gerubs ons hekke bewaar en U engele ‘n muur van vuur rondom ons bou. Vader verhinder die wat so on geregtelik probeer gebruik maak van hierdie grond wat aan U gewei is, om vêrder buit uit U skatkis te probeer haal.

Vader mag daar weer op U tyd, soos U aan ons beloof het, weer vee in die kampe wei en oeste op die lande wees, en mag elke stukkie van hierdie grondgebied slegs tot eer van U naam gebruik word.

-          Deuteronomium 31:7 “Wees sterk, wees dapper! Jy gaan saam met hierdie volk in die land in wat die Here met ‘n eed aan hulle voorvaders beloof het o aan hulle te gee. Jy moet hulle dit in besit laat neem. Die Here sal voor jou uit gaan. Hy sal by jou wees. Hy sal jou nie in die steek laat nie, jou nie alleen laat nie. Moenie bang wees nie, moenie skrik nie.”

Vader, ek verstaan nou hierdie konstante drang om onafgehandelde besigheid af te handel. Vader Woensdag is die dag wat ons teen die eerste ‘volk’ in ons beloofde land sal tee kom. Vader trek voor ons uit, wys vir ons die pad soos ‘n vuur kolom in de nag en ‘n wolk kolom in die dag. Vader God, hemelse Koning ons sal nie langer terug staan nie, ons sal ons land in besit neem, alleenlik in U Naam en tot eer van U Naam.

Here ek wil ook vandag soos Gideon ‘n wol vliesie voor U op die grond kom neersit. Vader  die pad wat U sever met ons gestap het, vertel van menige wonderdade en Here partykeer voel dit of hierdie pad te goed is om waar te wees. Partykeer kyk ek weer en weer na die brief van my aardse pappa wat my teen die val en die seerkry en swaarkry wanneer hierdie droom wêreld soos Hy dit noem inmekaar gaan stort. Here daarom gooi ek my vliesie voor U voete, soos U my uitgenooi het om te doen in Rigters 6: 36-37.

Vader moet asseblief nie vir my kwaad wees nie, en moet asseblief dit nie teen my hou dat ek weer vir bevestiging vra nie. Vader U weet dat ek van die begin af op U vertrou het om die eerste afspraak met die dokter op U tyd, by die dokter wat U gekies het vir my moontlik te maak. Vader daardie afspraak is more, en ek en U weet dat die fondse vir daardie afspraak nie tans vir my en Ross beskikbaar is nie en daarom Here smeek ek U, as ek myself nie in ‘n droom wêreld van ontkenning toegespin het nie, en as ek regtig besig is om my lewe volgens U wil in terig deur na U stem te luister, en as ek waarlik besig is om in my skeppings doel op te staan en in posisie te kom, dan wil ek vra Here dat U die nodige fondse vir more se afspraak vir ons sal beskikbaar maak sonder dat ons ‘n ander vir daardie fondse hoef te vra. Here mag dit so volgens U Wil en slegs tot eer van U Heilige Naam gebeur.

Vader  laat ons as gesin bymekaar kom om die etenstafel vanaand soos die Israeliete by Mispa bymekaar gekom het. Laat ons weer ons self as eenheid voor U teenwoordigheid buig. Vader laat ons openlik ons harts begeertes aan U bekend maak sodat die wie se ore nog toe is sal kan hoor en die wat nog nie verstaan tot insig sal kan kom. Vader laat U ons dan seën soos U die Israeliete geseën het deur hulle uit die mag van die Filistyne te red. En Vader gee dat ons ook nooit sal vergeet dat U ons tot nou toe nog elke dag gehelp het, gedra het en lief gehad het.

Dankie Here, uit 2 Samuel 7 seën U my deur vir my te belowe dat nes U vir David rus van sy vyande gegee het, U vir ons ook weer rus sal gee, sodat ons hier waar ons woon, hierdie grond waar U ons wil hê, sodat ons hier vir U ‘n vesting kan bou wat deel sal vorm van die skeppings droom wat U vir hierdie Familie het. Dankie Here vir  die herbevestiging van U beloftes in vir die hoop wat daarin lê.

Vader seën my nou, gee vir my, my geestelike naam, die naam waarby U my geroep het my God, verander my naam soos U jakob se naam by die Jabbok verander het, seën my so deur my ook by my nuwe naam te roep! Ek wag in U teenwoordigheid Here vir my nuwe naam.

Amen!

Hou jou Kastaiings uit die Vuur Deel 2 – Wat is ‘n Man en Wat is ‘n Vrou? (1)

Elkeen van ons het ‘n ander prentjie in ons koppe van wie of wat ‘n man en wat ‘n vrou nou eintlik is. Hierdie prentjie verskil van persoon tot persoon en word maar baie beïnvloed deur die media en die samelewing.

As ons na manne kyk en die prentjies wat die media skets is ek redelik bly dat ek nie ‘n man is nie. Om aanvaarbaar te wees vir die samelewing moet jy ‘n delikate mengsel wees tussen ‘n metro man was sensitief is en wat sy sagter kant nie verwerp nie, tog moet jy ook ‘n goeie dosis Camel Man in jou bloed hê, veral as dit kom by die bou van jou lyf en jy moet my darem kan beskerm, maar jy moet asseblief tog net nie jou La Coste Hempie in die proses vuil smeer en verwag dat ek dit moet was nie en jy moet ook nie te veel sweet of oor die algemeen te veel foute maak nie.
Dit klink dalk verspot, maar as ons so na die praatjies om die girls se Vrydag Middag lunch tafel luister is dit tog maar nie waarop ons praatjies neer kom nie. “Ek wens my man wil dit doen, of ek wens hy was so en ag as hy maar net soos X se man kon wees.” Ons maak ons harte ‘n herberg vir soveel verwagtinge, tog vergeet ons om ieder een van daardie verwagtinge aan God se woord te gaan meet. Die probleem is dat as ons weer ons oë uitvee kan ons nie onthou hoekom ons vir hom lief geraak het of in die eerste plek van hom gehou het nie.

Vir ons dames is dit ook maar ‘n wipplank rit. Die een jaar is wulpse klein lyfies en skraal boutjies mode en die volgende jaar is dit weer mode om effe groter curves te hê. Ons word omring deur catch phrases soos: Dress for success! Al wat ‘n kosmetiese maatskappye is wil ons glo dat hulle produkte ons lewens gaan verander, Because you are worth it sê hulle, maar wat van Daisy wat vrou alleen twee tieners in die week groot maak en daagliks 40l water 2km vêr moet dra om haar kinders se klere te was. Sy loop 7 km werk toe en weer 7km tot waar haar taxi haar oplaai en dit met ‘n baba wat in haar binneste ontwikkel…. Sy het nie ‘n even complexion nie en sy kan ook nie Sadie en Dove bekostig die maand nie, want die prys van Paraffien is weer op, beteken dit dan dat sy maar eintlik nie ‘n regte vrou is nie?

My punt is eintlik dit: Ons staar ons so vas aan die uiterlike dat ons nie by die hart, wat nog te sê van die gees van ‘n man of ‘n vrou soos God ons geskape het uitkom nie.

Oral om my sien ek klein dogtertjies wat aantrek soos bekende Pop sterre, en ek kan jou waarborg dat Mamma en Pappa oor tien jaar geskok gaan staan as sy op 16 swanger is of dalk verslaaf gaan wees aan dwelms of drank, tog kan dit dan nie anders nie want haar rol model kan nie eers onthou om onderklere aan te trek as sy uitgaan of om haar kind in die veiligheid stoeltjie van haar motor vas te maak nie.

Vir so lank het ek myself gemeet aan my snyers pakkie en die sukses van die verkoopspan wat ek gelei het. As daar nie genoeg sales was die week nie, wat dit vir my soos ‘n persoonlike mislukking, die druk wat van die ander bestuurslede af gekom het, het aan my identiteit gevat en het my eerder afgebreek as wat dit my gemotiveer het.

Ek was my werk, ek was my verkoop personeel, ek was my snyerspakke en ek was die kontrakte wat ek ingebring het. My identiteit het uit sukses in die oë van ander bestaan en soos daardie sukses as gevolg van die ekonomiese klimaat vervaag het, het ek fisies siek geword, ek was bleek in my gesig en naar op my maag, my kop het gehang en die mislukking het soos die soet reuk van die dood om my gehang. As mens was ek besig om dood te gaan ek het nie meer geweet wie of wat ek was nie.

Dit was op hierdie punt dat ek uit die formele korporatiewe mark gestap het, ek het geweet dat ek moet uit, maar wat ek nie besef het nie, was dat ek my identiteit in God moes gaan soek het nie. Ek het veel eerder soveel geleenthede raakgesien om maar net weer my identiteit op ander besigheids geleenthede en die moontlikheid van sukses te bou. Ek het weer geval, weer seer gekry en die keer amper my gesin verloor. Nie een keer in hierdie woestyn van my identiteitskrisis het ek eers daaraan gedink om myself as ‘n vrou te sien nie. Ek was bewus van my verantwoordelikheid as Ma van twee, maar nooit het ek verstaan dat ek heel eerste vrou is nie en nooit het ek eers daaraan gedink om my vroulikheid te omhels en uit te leef nie. Voor ek kan besigheidsvrou wees en voor ek kan ma wees moet ek eers weer vrou wees!

Die waardevolle bydraes wat op die vroue kamp aan die einde van Mei maand van jaar gelewer is het my genoodsaak om my identiteit as vrou in die Woord van God te gaan soek. Daar is nie ‘n beter plek om te begin as by die eerste vrou in die Bybel nie. Tog voel ek ook dat dit belangrik is om ter selfde tyd te kyk na die identiteit van die man soos God hom geskape het. Die rede hiervoor is vermenigvuldig. Die vrou is die man se gelyke, van sy vlees en sy been gemaak so alhoewel daar so baie verskille is, is daar ook ooreenstemmings wat ook belangrik is om te verstaan.

Ons lees in Genesis 2:5 -17 hoe sorgvuldig God vir Adam geskape het: “Toe die Here God die aarde en die hemel klaar gemaak het, was daar nog nie enige stuike op die aarde nie, en het daar nog nie enige groenigheid opgeskiet nie, want die Here God het dit nog nie op die aarde laat reën nie, en daar was nog nie ‘n mens om die grond te bewerk nie. Daar het water uit die aarde uit opgekom en al die grond nat gemaak. Die Here God het toe die mens gevorm uit die stof van die aarde en lewensasem in sy neus ingeblaas, sodat die mens ‘n lewende wese geword het.
Die Here God het toe ‘n tuin in Eden in die ooste aangelê en die mens wat Hy gevorm het, daar laat woon. Die Here God het vêrder allerlei bome, mooi om na te kyk en lekker om van te eet uit die grond laat uitspruit, ook die boom van die lewe in die middel van die tuin, en die boom van alle kennis.

Daar het ‘n rivier in Eden ontspring om die tuin nat te maak, en van daar af het dit verdeel en vier rivier geword. Die eerste rivier is die Pison en dit loop rondom die hele Gawila, waar daar goud is. Die goud van daardie land is suiwer. Daar is ook balsem en oniks. Die tweede rivier is die Gihon en dit loop rondom die hele Kus. Die derde is die Tigris wat oos van Assirië verbyloop, en die vierde is die Eufraat.

Die Here God het die mens in die tuin laat woon om dit te bewerk en op te pas. Die Here God het die mens beveel: “Van al die bome in die tuin mag jy eet soos jy wil, maar van die boom van alle kennis mag jy nie eet nie. Die dag as jy daarvan eet, sterf jy.”

Die Here het vir Adam uit die stof van die aarde gemaak. Maar die eerste kenmerk wat Adam van al die diere onderskei het was dat God self Lewens asem by die mens se neus ingeblaas het. Op hierdie manier deel God van homself met die mens. Om hierdie manier is daar van die begin af ‘n band tussen man en God. En soos ons aan beweeg sal dit ook duidelik word dat ons band al van hier af met Christus ook begin, omdat Christus in God is en ons in Christus is. Die troos wat ons vêrder hieruit kan put is dat ons meer kosbaar as enige ander lewende wese op hierdie aarde is. God het van Homself met ons gedeel, sodat ons, ons eerste asem kon inasem.

Dit was ook nie ‘n geval van so gemaak en so laat staan nie. Nee die Here het in al die mens se fisiese behoeftes voorsien, daar was vir hom kos en water in die tuin en hy moes homself besig hou deur die grond in die tuin te bewerk. God het ook aan sy behoefte om na mooi goedjies te kyk in ag geneem.

Dus as ons na hierdie verse kyk kan ons sien dat die mens, gebore uit die samekoms van stof en Gods asem, aangestel is oor die skepping, om dit op te pas en om die aarde te bewerk. Oor die algemeen kan ‘n mens aanvaar dat as jy iets bewerk, dat jy dit meer vrugbaar maak. Hierdie prinsiep in opsig self laat ‘n mens al klaar dink oor die pad wat die mens so vêr met ons aarde gestap het, en dit laat ‘n mens wonder oor ons eie daaglikse aksies, is ek regtig besig om die aarde meer vrugbaar te maak, of is my aksies ook besig om die aarde stadig maar seker te versmoor.

Vers 18 hou egter die sleutel tot hoekom die vrou geskape is:
“Vêrder het die Here God gesê:”Dit is nie goed dat die mens alleen is nie. Ek sal vir hom iemand maak wat hom kan help, sy gelyke.”

Hierdie vers wys vir ons dat God die mense se emosionele behoefte vir geselskap (companionship) ook verstaan en ook in daardie behoefte wou voorsien. Die feit dat God ons behoeftes verstaan en wil bevredig is iets wat ons van kleins af by ons kinders moet tuis bring en inskerp.

Ek wil graag die tyd neem om die gebrek aan hierdie prinsiep en die gevaarlike gevolge daarvan met voorbeelde uit ons samelewing vir jou te illustreer.

Ek glo regtig dat die boodskap dat ons maar gerus op God kan vertrou vir ons basiese behoeftes (fisies, emosioneel en geestelik) omdat God ons so goed verstaan (aangesien Hy ons geskape het,) die plek moet inneem van sinnelose praatjies soos:
“As jy die en daai doen sal jy tog nooit ‘n man kry nie.”

Wat se onsin is dit? Daar is voor die grondlegging van die aarde vir elkeen van ons ‘n lewens maat geskep (ons sal nog na die skriftelike verwysings hiervoor in detail kyk) en ons moet God vra en vertrou dat Hy dinge so sal bewerkstellig dat ons op Sy tyd daardie lewens maat sal ontmoet. Dit is dus nie ons vermoëns wat sal verseker dat ons kan “man vang nie.”

Die hartseer ding is dat ons kinders dit nie weet nie, ek het dit nie geweet nie, en daar is soveel letsels op my hart wat juis deur hierdie onkunde daar uitgekerf is. Daar is soveel jong dames wat ek al tee gekom het wat so bang is dat hulle nie ‘n man gaan kry nie dat hulle dikwels met die eerste beste man wat in hulle belangstel ‘n verhouding probeer aanknoop of dalk selfs trou net sodat hulle nie alleen oud hoe te word nie. Dit noodsaak my om te vra hoekom ons nie op God se natuur en se genade vertrou nie. Die son kom elke oggend op, al vir soveel jare en dit alleen behoort te bevestig hoe getrou ons God nou eintlik is. Hoekom ignoreer ons die rooi ligte met soveel gemak en dan sus ons maar ons gewete deur te sê dat die samelewing besig is om vêrder te ontwikkel en daarom werk die instellings en Bybelse prinsiepe nie meer nie.

Ek dank God elke dag dat al die ompaaie wat ek geloop tog op die ou end my by my regte lewens maat uitgebring het. Ek het nou wel gearriveer met soveel meer bagasie as wat nodig is, maar Hy was my genadig en Hy het my gelei tot by die deur van die lewens maat wat Hy voor die grondlegging van die aarde al vir my gekies het. Nie almal is so gelukkig nie, en alhoewel ek steeds my kastaiings uit die vuur krap en foute van die verlede reg maak is daar so baie mense wat nooit eers weet wat God eintlik vir hulle beplan het nie, en so mis hulle uit op die wonderlike lewe wat God vir hulle beplan het. Dit is ons taak as ouers en leiers in ons gemeenskap om seker te maak dat almal hierdie sleutel wat in Genesis 2 opgesluit is raaksien.

Daar is ‘n soortgelyke siekte onder ons jong manne om hulle behoefte vir ‘n standvastige lewensmaat te ontken. Hulle noem dit commitment anxiety en dit versprei soos ‘n veldbrand onder ons mense. Hoe meer meisies in jou bed, hoe meer merkies op jou manlike kerfstok. Tog wil ek vra hoekom niemand bekommerd is oor die feit dat ons eeue oue behoeftes ignoreer nie, hoekom gaan daar nie rooi ligte af wat ons waarsku dat daar êrens baie groot fout is nie?
Weereens leef ek en my lewensmaat ook steeds onder die jeuk van hierdie siekte, nes ek my eie onnodige bagasie in ons verhouding ingebring het, het hy ook uit onkunde sy eie bagasie in ons verhouding ingebring. Hierdie bagasie wat ons so op ons ompaaie versamel veroorsaak soveel onnodige pyn, en meeste van die tyd verstaan ons dan nie eers waar die emosies en die pyn vandaan kom nie.

In die besigheids wêreld sien ons ook hoe mense daarop uit is om net hulle self te verryk. Die son mag tog net nie ook op my buurman of my broer skyn nie, ons gun mekaar oor die algemeen niks, nie eers vrede en geluk nie, nee ons moet altyd probeer om mekaar in te doen. Hierdie selfsug word ook gebore uit die oorlewing instink wat oorneem as ons nie op God vertrou om in ons daaglikse behoeftes te voorsien nie. Dit is wanneer ons op ons self aangewese probeer wees wat ons oneerlike dinge aanvang en bedrog pleeg in ons soeke na rykdom en aansien of dalk net gemak.

Hiermee wil ek glad nie insinueer dat ons maar by die huis kan bly en die geld wat ons nodig het sal soos manna uit die hemel reën nie. Ek probeer eerder sê dat ons, ons daaglikse take eerder volgens God se opdrag en doel vir ons moet inrig, en dan Sy naam vereer deur die goeie vrug te dra en al voel dit of dit waar is as mense sê “The nice guy always finishes last!” dat jy steeds nie jou morele waardes sal prys gee nie, al beteken dit dat jy dalk party maande nie jou DSTV kan bekostig nie of dalk eerder meer hoender as steak moet eet.

Die duiwel gebruik ook hierdie leuens (soos hierbo uitgespel) wat so diep in die wese van ons en ons kinders wortel geskied het om mekaar ook vêrder en vêrder aan te por. Meisies glo dat hulle maar moet uithaal en wys om raak gesien te word en die manne glo dat hulle maar kan proe en proe totdat hulle trommeldik is, maar tog raak hulle nooit versadig nie, hulle wil al amper uit hulle nate uitbars van die verkeerde vrugte maar hulle bly gulsig en ter selfde tyd bly daar amper niks van ons jonge dames oor terwyl hulle so hard opsoek is na die berugte Mr Right nie. Ons kinders en ouers jaag na geld en so jaag ons by mekaar verby en dan spat ons fondasies, ons gesinne een vir een uit mekaar. Ons kinders hoor nie, want ons het nie genoeg tyd om te praat nie, en as ons praat skreeu ons bevel want ek is laat en tyd is geld en ons kan nooit genoeg geld hê nie. Ons maak televisie reekse en films by die dosyne oor hierdie selfde onderwerpe, maar nooit kom een van hierdie analises by die eintlike waarheid uit nie. Nie een van hulle is dapper genoeg om hardop te sê dat God soveel meer as hierdie gejaag na wind vir ons bestem het nie.
Daar is ‘n skrif wat die Here vanoggend vir my gegee het wat hierdie situasie so mooi verduidelik. Die skrif verduidelik nie net die status van ons kinders nie, maar ook die rol wat ons as ouers hier in speel en ook die rol wat ons ouers in hierdie petalje gespeel het, want jy sien hierdie is nie ‘n nuwe probleem nie, dit kom nou al vir twee of so geslagte.

Die skrif is Jesaja 56:9-11
“Kom verslind my volk, al julle diere wilde diere, al julle diere van die bos! Die wat oor my volk moet waak, is almal blind, hulle weet niks nie. Hulle is almal stom honde, hulle kan nie blaf nie; hulle lê net, hulle wil net slaap. Hulle (die volk) is gulsige honde, hulle ken nie iets soos genoeg kry nie. Hulle is herders sonder insig, hulle slaan elkeen sy eie koers in, elkeen is op sy eie voordeel uit.”

Daarom is dit belangrik dat ons kyk na die eerste kenmerke van die man wat God geskape het. Die man is gebore uit God se asem en sy primêre taak is om God se skepping op te pas en te bewerk. Die man is die manifestasie van God se skeppende en vertroetelende natuur, hierdie manifestasies kom uit in ons manne vandag in die drang om steeds die brood winner van die huis te wees en daarom is dit nie nodig vir die vrou van die huis om te skop teen haar man se drang om die brood winner te wees nie.

Dit is nie sommer net ‘n ego ding as hy seer kry wanneer jy jou groter salaris tjek in sy gesig vryf nie, en dit is nie nodig nie. Maak jou bydrae tot die huis stil weg stil en respekteer sy identiteit. Hy was die een wat eerste die opdrag ontvang het om die aarde te bewerk.

Respekteer die feit dat die man die konstante herinnering is dat God aan ons fisiese basiese behoeftes soos kos en woonplek aandag gee en daarin voorsien. Dit is tyd dat die manne sal begin om hulle lewens volgens hierdie Waarheid in te rig. Die toepassing van hierdie Waarheid sal verseker dat ons gesinne meer gebalanseerd sal funksioneer. Daardie ongesonde druk van konstante prestasie sal verdwyn omdat jy weet dat jy God sal kan vertrou om jou tot jou volle potensiaal uit te lig ter eer van Sy naam en nie jou naam nie. Die feit dat die man meer ontspanner is sal dan ook outomaties oorspoel na die res van die gesin en so kan ons as gesinne nader beweeg aan die rus en vrede wat God vir ons bestem het.

Ter selfde tyd is die eerste kenmerk van ‘n vrou is dat sy ook deur God geskape is, sy is die konstante herinnering aan die feit dat God die basiese emosionele behoeftes van beide geslagte verstaan. Hy het ons aanmekaar geweef, niemand verstaan ons beter as God nie. Die vrou moet begin om heelhartig te glo aan die Geestelike prinsiep wat sy verwesenlik (of wat in haar manifesteer) sodat haar geloof kan oor spoel in die lewens van die wat sy mee in aanraking kom en sodat sy op hierdie manier weer kan lewe bring.

Hou jou Kastaiings uit die Vuur Deel 1 – Proudly a Woman?

Ons is almal deesdae proudly South African, maar is jy proudly Woman? Is jou trots op jou vroulikheid of probeer jy dit verberg omdat jy voel dat dit in jou pad na sukses staan?
In Julie verlede jaar het ek op God se opdrag uit die korporatiewe mark gestap. Die rede vir my onttrekking was dat die vereistes van my beroep tussen my en God begin staan het. Tog is dit nou eers dat ek besef het hoog die muur was wat ek tussen myself en my God gebou het.

Ek sal nooit die dag vergeet nie, dit was ‘n Woensdag oggend… ek was oppad werk toe en ek het toevallig die radio aangeskakel, deur die gebroke sein was die enigste woorde wat ek gehoor het was: “hou op met die verkeerde dinge wat jy doen!” Dadelik het ek soos ‘n stout kind besef dat ek nie langer kon weghardloop van die stem van die Heilige Gees nie, ek kon nie langer die spanning wat ek op myself geplaas het deur my gewete te ignoreer verdra nie. Die spanning het my fisies siek begin maak, die Here het ‘n stop teken by my kruis pad kom oprig en dit was tyd om op te hou om myself te sus met die prentjie van God wat ek teen die muur wat tussen my God gestaan opgeplak het. Ek moes weer by God uitkom!

Die grootste fout wat ek tussen Julie verlede jaar en April vanjaar gemaak het was dat ek my eie plan van aksie vir God se droom wou volg. Ek was nie regtig geïnteresseerd in God se plan nie, ek het geglo dat ek met my eie verstand God se weg sou kon vind. Hierdie is die grootste leun wat Satan my nog my hele lewe lank gevoer het, die puin hoop wat my lewe vroeër vanjaar wag het getuig van die krag van hierdie leun en as ek enige iemand die pyn en leiding wat ek en my gesin deurgemaak het kan spaar sal ek my storie oor en oor vertel, al wil my trotse mense vlees nie altyd erken watter ompad ek gevat het nie.
Dit was eers op ‘n vroue kamp aan die einde van Mei maand wat ek regtig besef het wat God al verlede jaar vir my wou sê. God wou kom en my identiteit as vrou, wat ek so gewilliglik in die korporatiewe mark opgegee het aan my terug gee.

Die probleem met die klimaat van ons korporatiewe mark tans word so mooi deur die top verkoper boek “Good Girls don’t get the Corner Office” uitgebeeld. Dit is weereens die grootste leun wat die duiwel aan mans en vrouens tesame in die korporatiewe mark verkoop het. Vroulikheid, ons God gegewe identiteit word as ‘n swakheid beskou. Tog besef ons nie die impak van ons aksies en die gevolge van die feit dat dood en droogte volg wanneer ‘n vrou uit haar oorspronklike posisie in God se skepping geforseer word nie.
Die Here ons God het die vrou gemaak om lewe te gee. (Genesis 3:20) Dit is ons primêre taak as vrou. In Genesis 3 lees ons ook dat die vrou gemaak is as haar man se helper. In die besigheids wêreld moet vrouens en mans dus sy aan sy kan werk om mekaar te komplimenteer eerder as om mekaar te veroordeel oor ons unieke eienskappe en mekaar so te probeer regeer.

Ek stem saam dat in die huwelik en gesin struktuur dat die man die hoof van die huis te wees, omdat God hom so aangestel het en ja daarom uit gehoorsaamheid aan die woord van ons God moet ons aan ons mans onderdanig wees, maar ons as vrouens moet ook die spasie gegun word om in ons eie skeppings doel op te staan en in ons gekose posisie in te beweeg.

Kom ons kyk maar na die lande in die midde ooste, waar die vrou gruwelik, buite God se opdrag onderdruk word. Daardie lande word gekenmerk deur ‘n dorre landskap en woestynagtige landskappe. Dood en ellende word geassosieer met hierdie lande en dit wys ons duidelik op die feit dat daar dood volg waar die vrou uit haar posisie geforseer word.

Ons kan dan ook dan ‘n parallel tussen hierdie lande en die egskeidings syfer wat ‘n mens so aan die keel kom gryp en kom bewus maak van die feit dat daar êrens iets baie verkeerd geloop het met die fondasie van ons samelewing. Die huwelik en die gesin is Goddelike instellings wat veronderstel is om die fondasie vir ons samelewing te vorm. Die gesin is die plek waar ons respek en liefde en gehoorsaamheid en ons waardes leer. Dit is die plek waar ons moet veilig voel en waar ons kan kom rus vind.

Tog wat tans gebeur is dat beide ouers werk en omdat daar van ‘n vrou verwag word om haar vroulikheid prys te gee in haar werksituasie gebeur dit so gereël dat sy dan ook haar vroulikheid binne in haar huwelik en haar gesinstruktuur ook opgee. So baie keer veroorsaak hierdie afwesigheid van vroulikheid ‘n magstryd tussen ouers wat op die ou end tot die ondergang van hulle huwelik lei. Moederlike kwaliteite soos geduld en liefde en aanvaarding bly ook telkens in die slag wat weer ‘n vêrdere negatiewe impak op ons kinders het.

Ons dogters word groot met ‘n verwronge beeld van vrou en ma wees en dit dompel hulle net vêrder in ‘n identiteitskrisis. Ons kweek onrealistiese verwagtinge in ons seuns oor hulle eie rol en die rol van hulle vrouens en die feit dat ons soos viswywe tekere gaan help ook glad nie om respek vir die teenoorgestelde geslag in ons kinders te kweek nie. OP hierdie manier lei ons eintlik maar net ons kinders vêrder en vêrder weg van hulle skeppings doel en hulle posisie.

Moet my asseblief nie verkeerd verstaan nie, ek wil glad nie probeer sê dat Mamma by die huis moet bly en as slaaf agter haar man en kinders loop en optel nie. Ek wil ook glad nie insinueer dat vrouens nie in die markplein hoort nie. Ek is self ‘n dame wat daarvan hou om my eie inkomste te verdien en myself buite my gesinstruktuur met ander aktiwiteite uit te leef en so my talente te ontwikkel. Ek dink dit is baie nodig dat ‘n vrou ook in sirkels buite haar gesin beweeg sodat sy juis haar Godgegewe talente en gawes tot Sy eer kan gebruik.

Wat ek wel probeer deel is dat die vrou weer by God moet gaan hoor wat Sy plan vir haar lewe is. Die kollektiewe plan kan ‘n mens dwars deur die Woord van die Here gaan na vors en ek gaan my bes probeer om dit te verduidelik, maar ons moet ook by God gaan hoor hoe Hy elkeen van ons aanmekaar gesit het. Jy het ‘n persoonlikheid en sterk punte wat perfek by jou pas en wat jou gaan toelaat om jou skeppings doel te verrig. Ons moet elkeen weer by ons Pa se voete gaan sit en hom gaan vra om ons identiteit soos Hy voor die grondlegging van die aarde daaroor gedroom het vir ons oop te breek.

Hierdie selfde waarhede geld vir manne in ons lewens. Net soos ons nie van hulle kan verwag om hulle manlikheid prys te gee omdat dit vir ons gemakliker is as om hulle manlikheid te verstaan nie. Elke man moet ook sy identiteit in God dwars deur die Bybel gaan navors om so sy kollektiewe identiteit as man te ontdek, en hy moet ook by sy skepper se voete gaan sit en vir hom gaan vra wie en wat God hom geskape het om te wees.

As ouers is dit ons verantwoordelikheid om ook ons kinders so groot te maak dat hulle elkeen hulle kollektiewe identeit en hulle individuele identiteite te verstaan en aantegryp en hulle self op hierdie manier uit teleef.

Hou jou Kastaiings uit die Vuur: Inleiding

Soos die tyd aanstap en soos die Here my genadig genoeg is om my nader en nader na Hom te trek raak en al hoe meer bewus van die waarhede wat mense met my probeer deel het, maar wat ek te blind was om te sien en te doof was om te hoor of dood gewoon nie verstaan het nie.

Die pad wat die Here tans met my stap is ‘n morsige pad, ‘n wasmasjien pad, ‘n kastaiings uit die vuur krap pad. Hierdie pad maak ‘n dringendheid in my wakker om daardie waarhede wat ek mis gekyk het en geïgnoreer het by my kinders en ander kinders in te skerp.

Ek kyk na die letsels op my hart, op my lewensmaat se hart, my ouers se harte en my kinders se harte en dan kom ek agter dat ons maar versigtig met die gang van die lewe moet werk, want die lewe is vol skerp punte.

Die silver lyntjie wat my troos is dat die Here my genadiglik genoeg nog altyd in die regte koers gehou het, al het ek ‘n ompad gevat. Dit troos my om te weet dat die Here my op elke afdraai paadjie kom soek het en my maar weer in die regte rigting gepoint het.

Elkeen se pad met die Here is ‘n persoonlike reis en nie een se pad is die selfde nie, maar daar is tog waarhede waarteen ‘n mens nie kan sty nie, waarhede wat in die Skrif opgesluit is en wat die Here op hierdie pad saam met ons te loop vir ons oop sluit.

Dit is vir my gepas dat die Here my lei om hierdie reeks gedagtes met julle te del na die Gideon reeks omdat dit juis die openbaring van hierdie gedagtes en die toepassing van God se waarheid is wat ons sal lei om nie soos Gideon terug te sak nie, maar om eerder the volhard as Stryders vir die Waarheid.

Soos ‘n Wildsbok…

Pappa Vader

Ek wil saam met die Psalm digter van Psalm 42 vandag kon sê: “Soos ’n Wildsbok smag na waterstrome, so smag ek na U o, God.”

Here ek wil elke dag net nader en nader en nader aan U beweeg sodat ek meer en meer van U kan leer. Here in my soeke na U wil ek vra dat U my sal lei oom eerder van die Boom van die Lewe as die Boom van Kennis van Goed en Kwaad te eet. Here weerhou my daarvan dat my soeke na menslike verstand en menslike verstaan in die pad sal kom staan van my geloof in U beloftes. Vader voed my Gees vandag sodat ek nie verstrengel sal raak deur die menslike konstrukte en idees nie. Vader vrywaar my vas die Gees van Godsdienstigheid en Wetlikheid en seen my eerder met ‘n intieme verhouding met U my God.

Here U woord spreek soveel waarhede dat dit soms my gedagtes oorweldig. Daar is tye wat ek wonder hoe ek dit alles ooit gaan toepas en hoe ek dit alles ooit gaan onthou. Vader help my om in hierdie tye verby my eie menslike vermoë en my eie menslike verstand te kyk en eerder toe te laat dat U deur U Gees wat U oor my uitgestort het, met my te werk en om so te verseker dat ek ook op die Christus Wingerdstok ingeënt is sodat ek goeie vrug kan dra.

Here in my gebed vandag wil ek vra dat U, U seen oor die volgende mense sal uitspreek:

Vader ek bid heel eerste vir elke besigheid wat U eerste stel en hulle sake volgens U woord en instruksies behartig. Vader mag U hierdie besighede goedgesind wees, Vader beskerm hierdie besighede teen die aanslae van die bose, gee die leiers en eienaars van elkeen van die spanne wat by hierdie besighede werk die insig wat hulle nodig het om U hart en droom vir hulle besigheid te verstaan. Vader spreek tot hulle harte sodat hulle deur elke transaksie wat hulle doen U Grote en Wonderbaarlike Naam sal kan verheerlik. Vader in tye van finansiële onsekerheid wil ek vra dat U twyfel en angs vêr van hierdie besigheids leiers se harte sal weghou. Vader gee hulle die geloof wat hulle nodig het om op U beloftes te vertrou, eerder as om uit paniek oorhaastige en onetiese besluite te neem.

Vader ek wil dat U ook die skille van die oë van ons jong volwassenes en kinders se oë sal afhaal. Vader ons leef in ‘n tyd waar hulle so gebombardeer word met inligting en media. Hulle word oorlaai met liggies wat flits en harde musiek en tog Here soos U in Matteus 12:38 – 42 sal wonderdade nie die skares van hulle tot bekering bring nie Here, omdat hulle harte so hard geword het en omdat hulle soveel staat maak op hulle eie kennis eerder as om die Waarheid by U te kom soek.

Vader God, gee ons as ouers die nodige insig om met ons kinders om te gaan op ‘n manier wat hulle harte sal versag en wat hulle ontvanklik vir die onverganklike saad sal maak. Vader God gee dat ons as ouers goeie vrugte sal dra en dat ons sal leer om met ons kinders te kommunikeer op ‘n manier wat ons gesinne sal verenig eerder as om ons te verdeel.

Vader U praat hard en duidelik die laaste ruk oor die posisie van die gesin in die bruid en U roep ons aanhoudend om ons gesinne te begin mobiliseer. Vader maak ons gehoorsaam aan U voorskrifte my God,  U stel dit duidelik in U Woord dat U eerder barmhartigheid en gehoorsaamheid as offergawes verwag.

Pappa, die duiwel loop rond soos ‘n lustige leeu en hy probeer met al sy mag om U gehoorsame kinders te verslind. Vader die sprinkane wat ons beloftes will kom versnipper en aan ons geloof wil kom knaag sak op ons toe. Maak ons geloof sterk en gee ons die nodige insig en gehoorsaamheid om van hierdie sprinkane ontslae te raak. Vader wys vir ons uit waar daar nog wortels van ongeregtigheid en ongehoorsaamheid in ons lewens in sodat ons hulle wortel en tak kan uitroei.

Here seen elkeen van U kinders vandag met ‘n kalmte en ‘n vrede wat hulle verstand te bowe sal gaan. Spreek stilweg stil in hulle harte sodat hulle weet dat as hulle in die middel van die storm is en hulle sien U nie aangestap kom op die water nie, dat hulle net hulle oë moet oopmaak want U is al klaar saam met hulle in die bootjie.

Amen.

Gideon – Deel 9

Teks Rigters 7: 15 – 8: 4

Die tweede deel van Rigters 7:15 het my opgeval toe ek dit weer vanoggend lees. In die tweede deel van die vers deel Gideon met sy manskappe (sy span) die opdrag en die troos van die Here, m.a.w. Gideon deel die strategie of die plan wat die Here vir Hom gegee het met sy span maats.

In die laaste paar weke het die Here die belangrikheid van die gesinstruktuur op hart kom lê. Die posisie wat die gesin binne die liggaam van Christus moet vervul is dalk ‘n  bekende konsep vir ons, maar tog druk daar ‘n dringendheid op hart om die gesin as die fondament van ons samelewing te onderstreep.

As jong dame was ek bevoorreg genoeg was om die waarde van die gesin struktuur by my ouers te leer. My ouers het ‘n bediening in Heidedal, net buit Bloemfontein gehad. Die bediening se naam was Gesinsbou, en die roeping wat die Here op my ouers se harte gelê het was om die gebroke gesinstruktuur wat jong kinders na die strate toe gedryf het, te gaan herstel.

As tiener dogter het dit ongelukkig teen vlees en been ingesny om my waardering vir hulle werk en die waardes wat hulle my geleer het te wys. Op 18 weet ons mos alles, is ons mos alles en kan ons niks by enige iemand leer nie. Maar die waarheid is dat my ouers se bediening my voorberei het vir die rowwe pad wat ons gesin in die afgelope jaar geloop het. Terwyl ek nou terug dink, kom verlig die Gees weer die waarde van die gesin as span vir my – die enigste verweer wat ons teen die morele aanslae op ons kinders se lewens het, is ons gesinstruktuur en die voorbeeld wat ons binne daardie struktuur vir ons kinders stel.

Hierdie beginsel bring my terug na die tweede gedeelte van vers 15. Dit is alles goed en wel dat ons as ouers by die Here gaan hoor wat Sy plan vir ons gesin is, maar die plan val plat wanneer ons nie die groter prentjie aan ons kinders oordra nie.

Ek het nou die dag die mooi voorbeeld gehoor van iemand wat oor hierdie selfde beginsel gepraat het. Kom ons dink nou maar net aan die slag wat ons op ‘n vliegtuig klim. Die loots kondig voor die tyd aan waarheen die vliegtuig vertrek. Ek kan nie aan een persoon dink wat sommer net so op ‘n vliegtuig sal klim sonder om te weet waarheen die vliegtuig vlieg nie. Die selfde geld vir ons kinders, dit is ons verantwoordelikheid om die vlug plan wat die Here aan ons as ouers oordra, weer aan ons kinders oor te dra. Dit is belangrik dat ons God se doelwitte en drome vir ons lewens met hulle sal deel. Daarmee saam is dit ook belangrik dat ons nie net ons welslae nie maar ook ons teleurstellings met hulle moet deel.

Die krag wat ontsluit word wanneer ‘n span korporatief saam onder die leiding van die Here werk, word vir ons baie duidelik in die daaropvolgende verse uitgebeeld. Die hand van die Here in die slagting word ook omslagtig beskryf, en  dit onderskryf die feit dat ons God ten alle tye moet eer vir die rol wat Hy in ons suksesse speel.

Dit is belangrik dat ons hierdie beginsels wat Gideon en sy manskappe toegepas het, ook in ons eie lewens sal toepas. Daar is soveel verborge seëninge wat die Here vir elkeen van ons wil oopsluit, maar dit is soms seëninge wat slegs deur korporatiewe gehoorsaamheid en gebed oopgesluit kan word. Dit is regtig tyd dat die Bruid van Christus openlik en effektief met mekaar sal begin kommunikeer, en ek voel sterk dat die Gees wil hê dat hierdie kommunikasie eers in ons eie huise en op ons eie voorstoepe moet geskied, voor dit kan uitkring.

Vanaf vers 23 lees ook hoe Gideon die ander Israeliete en die Efraimiete genader het om die Midianiete te agtervolg en ten volle te verslaan. Ons lees ook in die eerste 4 verse van Rigter 8 dat die groepe wat later ingeroep was, ontsteld was dat Gideon hulle nie oorspronklik genader het nie.

Daar is ook ‘n les vir die korporatiewe bruid in hierdie gedeelte. Binne ons gesinstruktuur en die Bruid het elke lid van die span hulle eie werkie wat die groter skeppings doel van die struktuur bevorder. Ons moet ophou om so besig te wees met ander mense se stukkies en se werkies, en eerder weer begin om die muur hier voor ons eie huis te bou.

Die Here weef ons werkies en verkillende take aanmekaar volgens Sy volmaakte plan. Ons moet ook ophou om afgunstig te wees op die werkies wat die ander by die Here gekry het, ons moet eerder dankbaar wees vir ons eie skeppings doel en daarop fokus, en op hierdie manier sal God dan openbaar hoe ons by die struktuur wat Hy vir ons gekies het moet inval.

Ek voel dat dit weereens belangrik is om hierdie beginsel deur te trek na ons gesinne en ons kinders, Binne in die gesin het elkeen hulle verskillende persoonlikhede en nukke en grille en ons is juis so gemaak omdat ons identiteit so nou aan ons skeppings doel gekoppel is. Dit is ons werk om elkeen van ons gesinslede die geleentheid te gun om hulle voorbereiding ten opsigte van hulle skeppings doel te voltooi. Ons moet die moeite begin doen om elkeen van ons kinders te verstaan, hulle onderskeidelike roepings met die Here te bespreek en hulle dan toe te rus, elkeen vir sy eie werkie.

Hoe lyk jou vlug plan? Weet jy en jou mede loots wat julle gesamentlike doel in die lewe is? Het julle al saam by Pa gaan aanklop vir Sy padkaart, of ploeter julle maar net voort in hierdie onstuimige storm van spanning en frustrasie? Weet julle mede passasiers waarheen julle oppad is, en weet hulle op wie julle vertrou om julle veilig anderkant aan te bring? Is jy nog dankbaar vir die unieke en besonderse pad wat die Here met jou wil stap, of wens jy ook steeds konstant dat jy maar eerder plekke met ‘n ander een van God se kinders kan ruil?