Aan wie se hart gaan jy vandag raak?

Oral rondom my sien ek hierdie week en ervaar ek die verdrukking van die wat ‘n verhouding met Christus het. EN is nie seker of die verdrukking hierdie week erger is, en of God maar net my oë daarvoor oop gemaak het nie.

Dit is wanneer ons op ons mees gehoorsaamste is dat die verdrukking die ergste is… jy sien dit gebeur baie keer dat die geregtigheid in jou, die Gees van God wat in jou woon die godeloosheid in die ander, op ‘n geestelike vlak konfronteer. Dit is juis in situasies soos hierdie wat dit dan gebeur dat twee mense mekaar die heeltyd verkeerd opvryf.

Alhoewel sulke situasies soms vir ons onmoontlik voel is dit tog belangrik dat ons God se wil daarin soek en volgens Sy opdrag optree. In Matteus 9:12 word ons roeping so uitgespel:

“Maar Jesus het dit gehoor en gesê: “Die wat gesond is, het nie ‘n dokter nodig nie, maar die wat siek is. Gaan leer wat dit beteken: Ek werwag barmhartigheid en nie offers nie. Ek het nie gekom om mense te roep wat op die regte pad is nie, maar sondaars.”

So dit is ons mandaat!

Nou vra ek myself:
Moet ons dan nie eerder ophou om mekaar se leer oor hoe om ‘n verhouding met Christus te hê ophou kritiseer nie, en eerder by die uitkom wat seer, en hopeloos is en wat hulp nodig het nie?

Versorg U lamp O God!

Pappa God,

U Woord, die Waarheid wat ons nie kan ontken nie, is die Lamp vir ons voete op hierdie donker, nou paadjie wat ons deur die lewe loop. Maar Vader ter selfde tyd is ons, die wat U daagliks wil dien, ook die lampe wat U lig moet uit dra. Ons is gretig dat U ons sal heilig maak en dan sal gebruik om die mense rondom ons te raak en te bedien. Vader verlig ons land deur ons wat wat U hier op aarde, in die vlees verteenwoordig.

Vader daarom vra ek U vandag, veral so na die naweek is ons glasies dalk vuil en dof, of dalk is ons olie amper klaar, Vader versorg ons soos Moses vir Aäron beveel het om die lampe vir die tabernakel te versorg.

Vader vervul ons met die suiwerste olyf olie. Vader laat ons deurnag, en heeldag brand sodat ons die pad na U heiligdom kan aanwys. Vader vryf ons blink en laat ons die plek van ontmoeting tussen U en die mens verlig… mag ons lewens as stralende getuienis van U genade en U oorvloed dien. Vader laat ons lig U lof besing.

Vader mag U vandag en elke dag wat ek asem haal, my grond gebied vergroot, mag U my aanstel oor die oes wat so ryp en gereed daar buite lê. Vader mag U my vertrou om onmoetings tussen U en die mense wat so hard na U opsoek is fasiliteer. Vader hier is ek, stuur my.

Amen.

Ek gaan nou ingryp sê die Here.

Hemelse Vader, Vors van Genade en Koning van alle konings… gisteraand en van oggend se nuus bulletien begin vir my al meer na Jesaja 33:10-14 lyk.

Here die opskrif van die gedeelte is : Ek gaan nou ingryp sê die Here.

Vader ons weet dat daar geen einde aan U mag en krag is nie. Vader ons weet ook dat soos kaf deur die vuur verteer word, so sal die mens en die aarde verteer word wanneer U, U mag laat geld.

Vader daar is nie een gebeurtenis wat op hierdie aarde plaasvind sonder dat U daarvan weet, of sonder dat U dit toe laat nie. Vader ons staan verskrik en mense begin vrae vra oor die gereelde aardbewings, die opstandige manier waarom mense handel, die gereelde vlieg ongelukke… Vader die wêreld staan verskik en angs bevange.

Vader in hierdie tyd is dit so ‘n groot versoeking om saam met die wêreld in oorlewings optrede te verval. Dit is so maklik om te val vir die strik om meer geld op enige manier moontlik by mekaar te maak, net sodat ons darem sal kan oorleef wanneer “die pôpô die fan strike” soos ons sal sê. Vader dit is moeilik om nie in desperaatheid te verval en so ons morele waardes prys te gee nie. Vader dit is moeilik om nie onder die druk in te gee en ons heiligheid prys te gee nie.

Vader, maak ons sterk deur U Gees. Vader laat ons die hooftrekke sien as druk wat ons harde, vuil steenkool wesens sal omskep in diamante wat sal glinster ter ere van U heerlikheid, wanneer die nuwe hemel en aarde kom.

Vader U belowe ook dat die wat bly reg doen, ‘n woonplek by U sal hê, veilig op ‘n hoë berg. U belowe dat die wat getrou aan U bly ‘n rotsvesting in ons Here Jesus as ons skuil plek sal hê. U belofte staan dat die wat by U kom skuil en hulle rug draai op dit wat teen U wil is, nooit sonder kos sal wees nie, en drink water sal hê wat nooit sal op raak nie.

Vader ons staan vandag op hierdie belofte en ons dank U dat die siels kos en lewende water waarmee U ons versorg Here verhoed dat ons verskrik rondskarrel en irrasionele besluite maak, dit is U voorsorg en U genade Here wat verhoed dat ons in hierdie donker tye in depressie en mismoed verval, en Here my God daarvoor is ons U ewiglik dankbaar.

Amen.

Vir U akker, waaroor ek aangestel is…

Pappa Vader… aan U en U Seun en U Gees… aan die drie heiligdom wat oor ons waak wanneer ons slaap, wanneer ons wakker is, wanneer ons met ons daaglikse take handel, self wanneer ons van U vergeet.. Aan U om al die lof en eer toe.

Here God, dankie vir die môre son wat sag kuns begin om die mis wolkies te kielie sodat hulle begin om die pad te vat… en dankie Here vir die Haan wat ons met sy lof lied uit die bed uit betower. Dankie Here vir die bekende geur van my eerste koppie koffie wat met soveel liefde deur Keenan gemaak is.

Dankie Jesus vir Connel skaterlag geluidjies uit die kombuis so vroeg in die môre, vir Ross middernag grappies wat Miachlan se seer tand vleisies vir almal soveel meer draagliker gemaak het. En Here dankie vir die trane wat U in die stilte van die nag van my wange kom afdroog het. Here dankie vir al hierdie seëninge wat U vir ons geskenk het. Dankie Here vir die stukkies van my boetie wat U in Connel en Miachlan vir ons kom bêre het.

Here dankie dat U ons skoon was deur U bloed, sodat ons deur Genade vlekloos voor U kan staan. Dankie Here dat U kragtens U besluit, daagliks die geheimenis van U wil vir ons lewens met ons deel en dankie Jesus dat U ons die krag gee om dan U Wil uit te voer.

Vader dankie dat U deur Christus en deur die Heilige Gees ons as U eiendom beseël, sodat ons tot eer en verheerliking van U naam gebruik kan word.

Pappa Jesus kom in hierdie oggend en kom was my skoon soos die dou die plantjies se groen blare kom skoon was, en kom kroon my met ‘n heilige kroon soos die kransies vol blomme daar buite. Vader breek my oop sodat strome vol lewende water oor U akker, waaroor ek aangestel is, kan loop.

Amen.

Vandag se Woord – 14 April 2010

Die afgelope twee dae was vir my so ‘n soet suur affêre… die 12de April was dit presies een jaar terug van die dag dat ek my broer vir die laaste keer lewend gesien het, hom kon vas hou, hom fisies hier langs my kon voel… die 13de April was ook die eerste dag van hierdie nuwe reis wat ek saam met Vader aangepak het, en terwyl dit ‘n ongelooflike reis is vol nuwe skatte om te ontdek en nuwe water strome om te besoek, is dit ook ‘n lang reis, soms ‘n seer reis, ‘n reis wat my so vêr van my aardse ours verwyder het. Hierdie verwydering is een van die grootste sambokke waarmee die duiwel my gereeld slaan wanneer ek te hard, deur God se genade, op sy tone trap, hierdie verwydering is die een ding wat soms nog by my in die nag kom spook… dit is hierdie verwydering wat dreig om trane in my oë te laat op bou elke keer as ek hulle klein dogter vas hou, ‘n klein dogter wat elke dag groter word, sonder dat sy al een keer haar oupa of ouma se liefdevolle aanraking gevoel het. Dit is ook hierdie verwydering wat soms ‘n vuur van opstand teen my God hier binne my aanwakker omdat ek weet dat die verwydering en die oplossing vir hierdie verwydering in Sy hand lê, en ek weet dat my tyd nie Sy tyd is nie, en ek weet dat Sy plan beter is as myne… maar hierdie wete vat op geen punt die pyn van my hart weg nie.

En so met hierdie mengelmoes van opgewondenheid, maar meer en deels neerslagtigheid het ek gisteraand gaan slaap. My kop het ek op my kussing neergelê en tot nou toe weet ek nie of ek so verwoed in my gedagtes gebid het, en of dit sommer hard op was nie… maar groot was my verbasing toe ek wakker word vanoggend en ek besef dat ek in my slaap oorgeslaan het van ‘n smeek gebed na ‘n jubel gebed… ‘n lof sang vir my groot en almagtige Vader. Ek het letterlik in my slaap gebid, konstant, aanhoudend, of nee die Gees het eerder namens my, maar ook deur my, vir my by my Vader ingetree.

Maar nie net het ek wakker geword met ‘n gejubel en ‘n gejuig in my hart nie. Deur genade het ek wakker geword met ‘n verstaan van Jesus se oorwinning oor die wêreld waarin ons, ons bevind.

In Johannes 16: 33 praat Jesus met sy dissipels en sê hy vir hulle “Dit sê ek vir julle , sodat julle vrede kan vind in My. In die wêreld sal julle dit moeilik hê; maar hou moed: Ek het die wêreld klaar oorwin.”

Dit is eers wanneer ons hierdie oorwinning verstaan dat ons ophou om ons blind te staar teen die lyding wat ons in hierdie wêreld beleef. Dit is ook wanneer ons hierdie oorwinning begin aanvaar en ons eie maak dat dit vir ons moontlik is om te midde van ons stryd en pyn en ‘n gebrekkige bestaan op hierdie aarde werklik ons God, met blydskap te vereer.

Dit is ook om hierdie selfde rede dat die duiwel ons so toe gooi met sulke gedagtes en aanvalle. Dit is gedagtes soos hierdie wat maak dat ons vervul word met die gee van die wees en die weduwee, soos dit in Klaagliedere oor en oor beskryf word. Dan leef ons 2 Konings 19:3 wat sê “… Dit is ‘n dag van rou. Ons is in die moeilikheid en ons is verneder. Ons is soos vrouens wat in kraam is, maar nie die krag daarvoor het nie.”

Wanneer ons so toe lê onder hierdie verdrukking dan kan ons nie ons God verheerlik nie. Dit is wanneer ons so wanhopig is dat die satan wen… hoekom?

Want in Johannes 17:4 verduidelik Jesus dit so mooi: “Ek het U op aarde verheerlik deur die werk te volbring wat U My gegee het om te doen.” Daar staan niks van wonder werke en tekens nie, nee Jesus praat van die groter prentjie… die vervolmaking van ons skeppings doel.. daardeur verheerlik ons, ons God.
Nou kom Jesus weer by my vanoggend, terwyl ek so na die mis buite my venster staar en Hy kom vra vir my:

“Ek wat Christus is, het gisteraand gekom en in jou slaap die gees van die wees in jou kom hanteer… ek het jou kom help om deur daardie poort te gaan sodat jy opreg en met blydskap in hierdie tyd van eina en pyn en onsekerheid kan leef en My kan loof. Hoe gaan jy die gees van die wees en die weduwee in jou mede mens hanteer?”

Waarheid en Liefde soos lewende water…

Pappa God, dankie Here dat ek U woord kan verkondig Vader. Dit is nie deur myself dat ek hierdie taak verrig nie, dit is nie deur mense dat ek aangestel is nie, maar deur Jesus Christus en deur God die Vader wat Hom uit die dood opgewek het.

Vader God, dit is skrikwekkend wanneer ons na ons eie lewens kyk en sien hoe vinnig ons van U ware Evangelie afvallig word Vader. Here God, vandag bely ons dat daar geen ander Evangelie is nie. Vader, ons weet dat daar mense is wat die evangelie van Christus probeer verdraai. Vader ons verstaan ook dat hierdie verdraaiing plaas vind uit onkunde of selfs sonder dat die mens dit agter kom, tog Vader mag en kan ons nie weg skram van die gevaar van ‘n verdraaide evangelie nie. Daarom Vader vra ek met elke stukkie van my hart, in werklike opregtheid Here, reining my denke en my hart sodat ek nie skuldig sal word aand die verdraaiing van U evangelie nie.

Vader mag ons nooit die evangelie verkondig vir die guns van mense nie, mag ons slegs die evangelie, die ware evangelie, soos dit in U woord staan terwille van U heilige Naam verkondig. Vader mag ons nooit U naam beswadder deur ‘n evangelie te verkondig wat ons self uit dink nie, maar mag ons slegs die evangelie verkondig soos deur Christus aan ons geopenbaar.

Here saam met die bekende groep DC Talk, wil ek my aksies, my intensies en my motiewe ondersoek. Vader help my om na te dink oor die gevolge van my aksies, en Here lei my om binne U wil op te tree.

The greatest single cause of atheism in the world today
Is Christians who acknowledge Jesus with their lips
Then walk out the door and deny him by their lifestyle.
That is what an unbelieving world simply finds unbelievable.]

What if I stumble?
What if I fall?

Is this one for the people?
Is this one for the Lord?
Or do I simply serenade for things I must afford?
You can jumble them together, my conflict still remains
Holiness is calling, in the midst of courting fame

Cause I see the trust in their eyes
Though the sky is falling
They need Your love in their lives
Compromise is calling

(chorus)
What if I stumble, what if I fall?
What if I lose my step and I make fools of us all?
Will the love continue when my walk becomes a crawl?
What if I stumble, and what if I fall?

What if I stumble, what if I fall?
You never turn in the heat of it all
What if I stumble, what if I fall?

Father please forgive me for I can not compose
The fear that lives within me
Or the rate at which it grows
If struggle has a purpose
On the narrow road you’ve carved
Why do I dread my trespasses will leave a deadly scar

Do they see the fear in my eyes?
Are they so revealing?
This time I cannot disguise
All the doubt I’m feeling

What if I stumble, what if I fall?
You never turn in the heat of it all
What if I stumble, what if I fall?

What if I stumble?
Everyone’s got to crawl when you know that
You’re up against a wall, it’s about to fall
Everyone’s got to crawl when you know that (2x)

I hear You whispering my name [You say]
“My love for You will never change” [never change]

What if I stumble, what if I fall?
You never turn in the heat of it all
What if I stumble, what if I fall?

What if I stumble, what if I fall?
You never turn in the heat of it all
What if I stumble, what if I fall?

What if I stumble, what if I fall?
You never turn in the heat of it all
What if I stumble, what if I fall?
You are my comfort, and my God

Is this one for the people, is this one for the Lord?

Here God, reining my, heilig my woord, laat U liefde soos lewende water uit my gees borrel en vloei waar U bepaal.
Amen.

Danksegging te midde van moeilike tye

Vader God, Koning van my hart, Heerser van my hele lewe. Here ek loof U vandag as die middelpunt van my vlees, siel en gees. Vader U is die Vader van wonderwerke, die God wat skep, die God wat red, die God van Waarheid. Here God, ek kan net hoop dat my nederige woorde sal kan begin om U lof te besing, want Here geen aantal woorde or lof gesange sal ooit U majesteit waardig kan wees nie.

Vader God, dankie Here dat onss elke dag, enige uur van die dag by U voete kan kom sit en vir vergifnis kan kom vra vir ons oortredinge. Vader dankie dat ons deur die Genade Bloed wat U Seun vir ons aan die kruis gestort het, U vergifnis kan ervaar en mag aanvaar. Vader sie skrif sê, as is ons skarlaken rooi van sonde Here, U was ons so wit soos sneeu. Ere God kom was my, kom reinig asseblief weer my hart, kom ruk alles sonde wortel en al uit my siel, sodat ek in my gees opregte vrugte, goeie vrugte kan dra.

Here, uit genade en slegs genade leef ek in die wete dat U ‘n vader is wat U oor ons ontferm, en U is die God wat in elke omstandigheid moed kan gee deur die hoop wat U vir ons in die hemele bewaar. In elke moeilike omstandigheid Here is U met ons, bemoedig U ons, dra U ons.

Pappa God, dit is om hierdie rede dat ons dan ook ander kan bemoedig. Here dit is waar dat ons ‘n oorvloed van lyding ter wille van Christus ervaar, maar dit is ook waar dat ons ‘n oorvloed van bemoediging deur Christus geniet.

Here vandag bid ek dat U ons denke sal verander Here, sodat ons harte kan verander, want Vader die oomblik wat ons, ons daaglikse lewe vanuit hierdié perspektief beskou, verander die hele prentjie en dan Vader sal ons hele reaksie so verander dat ons die vrugte van U Gees sal dra.

Here God, vanuit hierdie perspektief verander die dreigement van onverantwoordelike en uittartende uitlatings deur verskeie politieke leiers in ‘n geleentheid om God se genade en bemoediging te ervaar, en om ook U teenwoordigheid in hierdie situasie en met ons mede mens te deel.

Here die selfde geld vir elke venstertjie koevert wat ons met soveel mismoedigheid uit ons posbus haal. Vader mag ‘n diep afhanklikheid van U die angs greep wat hierdie stukkies papier in ons verwek vervang. Mag ons in afwagting op U hand en U seën en U genade wag m God.

Here U het deur genade ‘n vaste verwagting geskep dat nes ek in Christus se lyding sal deel, dat ek ook in Dy bemoediging en Hoop en in die krag wat Hom uit die dood uit opgewek het sal deel. Vader mag ons oë nie net op die eer van die oorwinning wat ons met U sal deel wees en gevestig bly nie, nee Vader mag ons fokus eerder slegs die eer van U naam bly.

Here, U weet dat ons soms dae beleef wat dit voel asof ons vêr bo ons kragte versoek en beproef word, soms Here voel dit selfs of ons maar ale hoop kan laat vaar. Maar dit is juis op hierdie dae Here wat U ons herinner, en ons leer dat ons nie op onsself kan vertrou nie, maar dat ons eerder slegs op U moet vertrou. U is die Alfa en die Omega, die begin en die einde van my lewe, U is my hele lewe, niks gebeur met my sonder dat U hand dit toe laat nie my God en niks kan my ooit van U liefde skei nie en daarom Here is ek dankbaar vir die genade gawe van geloof waarmee U my elke môre seën.

Amen.

Nie in eie krag of wysheid nie…

Pappa Vader, vandag kom sit ek voor U voete, want die hoop wat ek gister gehad het wil kwyn voor die aangesig van die voorbeelde van haatspraak aan beide kante van die rasse skeiding in hierdie pragtige land waarin ons almal woon.

Vader, dit is eers wanneer ons besef dat U Seun, Christus, die beeld van God self is, en dat alles deur Christus geskape is, dat ons verby die verskille tussen mense kan kyk. Vader alles wat ons op aarde kan sien en ook nie kan sien nie, is deur U, deur U Seun geskape. Daar is ook niks wat voortbestaan op hierdie aarde sonder U Seun wat dit in stand hou nie.

Vader daarom wil ek U smeek…. Laat die skille van elke persoon in hierdie land se oë af val, laat hulle besef dat niks gebeur sonder dat U toelaat dat dit gebeur nie. Die regering wat aan bewind is, omdat U dit so bestel het en daarom moet ons ongeag van kleur or kultuur of persoonlike opinies, die heersers wat U aangestel het respekteer.

Vader ek glo en ek bid dat elke gelowige, weereens ongeag van kleur, kultuur of taal, sal verstaan dat die huidige situasie in ons land die perfekte geleentheid is vir ons om te wys dat ons wat ‘n persoonlike verhouding met Christus het, ons vir Hom sal afsonder, ons sal deur Christus se liefde uitstaan bo die res en so deur voorbeeld en nie deur konfrontasie, ‘n groot verkil maak in ons land.

Christus was die Eerste om geskep te word en die Eerste om uit die dood uit op te staan, en U ons God het aan ons belowe dat ons deur geloof toegang het tot die selfde krag wat Christus uit die dood uit laat opstaan het, en daarom vra ek nederig Vader, skenk ons daardie krag sodat ons wat verstaan dat daar ‘n deel van Christus in elke persoon op hierdie aarde is, die strydende partye met mekaar sal kan versoen.

Vader ek smeek nie om heridie versoening terwille van veiligheid of enigsins ter wille van menslike vrees of behoud nie, maar eerder my God sodat U naam deur hierdie versoenings proses verheerlik kan word.

Vader, dit wat ons in ons eie krag probeer bou, is nooit blywend nie en verandering wat ons op ons eie maak hou nie, tyd verweer ons vasbeslotenheid en goeie bedoelinge en ons krag op ons eie is nie opgewase teen die Satan se slinkse leuns nie.

EN daarom glo ek Here, en ek belei, dat ons nou weer as nasie op hierdie punt staan, omdat U nie ingesluit was by die eerste transformasie proses nie, die hele reënboog nasie is gebou op die pilare van humanisme, erder as Christus se liefde en daarom Here gaan die vrede nie behoue bly nie en gaan ons demokrasie altyd kwesbaar bly. Dit is daarom Vader van genade smeek ek U, terwyl ons versoenings pogings in puin hope om ons lê en ons verslae staan oor die oplossing, mag U Gees kom oorneem en names ons die pilare van demokrasie en vrede en eenheid weer ko opbou.

Vader mag ons verstaan dat nie eens een van die mees gevorderde konstitusies in die wêreld ons ka red van die oordrewe trots wat tussen die mense van ons land kom staan nie. Laat ons eerder as om rond te skarrel en menslike oplossings te soek, op ons knieë gaan en begin deur U voorskrifte te gehoorsaam, waarvan die grootste gebod liefde is.

Pappa God mag ons ook ter selfde tyd ons oorgee aan U wil U aan die stuur van ons land plaas.

Amen.

I will always share my spoon with you…

A Holy man was having a conversation with the Lord one day and said, ‘Lord, I would like to know what Heaven and Hell are like.’

The Lord led the holy man to two doors.

He opened one of the doors and the holy man looked in.

In the middle of the room was a large round table..

In the middle of the table was a large pot of stew,

which smelled delicious and made the holy man’s mouth water.

The people sitting around the table were thin and sickly.

They appeared to be famished. They were holding spoons with very long handles that were strapped to their arms and each found it possible to reach into the pot of stew and take a spoonful.

But because the handle was longer than their arms, they could not get the spoons back into their mouths.

The holy man shuddered at the sight of their misery and suffering.

The Lord said, ‘You have seen Hell. They went to the next room and opened the door. It was exactly the same as the first one.

There was the large round table with the large pot of stew which made the holy man’s mouth water.

The people were equipped with the same long-handled spoons, but here the people were well nourished and plump, laughing and talking.

The holy man said, ‘I don’t understand.

‘It is simple,’ said the Lord. ‘It requires but one skill.

You see, they have learned to feed each other.

The greedy think only of themselves.’

Pad Na Sion – Aanhef

So sê die Heilige, die Ware God wat die sleutel van Dawid het, wat die deur oopsluit en niemand sal dit weer toesluit nie, en dit toesluit en niemand sluit dit weer oop nie:

My Liefste …….

Ek weet jy is moeg gespartel daar tussen die golwe van die lewe. Ek weet jou arms en jou bene pyn. Ek weet jou hart voel soos ‘n klip, wat jou hier vanuit jou binneste, onder die water in dwing.

Ek weet hoe klein jy teen die golwe voel. Ek tel elke traan wat jy stort… die wind wat hier teen jou wang verby skuur… dis Ek wat elke traan kom afdroog.

Ek is daar waar jy is: Ek is in die donderweer wat dreun en die weerlig wat so flits. Ek sien jou, Ek hou ‘n oog oor jou.

Ek weet jy is skaam oor dit wat gebeur het. Ek weet jy is verleë en jou skaamte en jou skuld gevoelens jaag jou soos genadelose spoke deur die oseaan se waters.

Ek weet jy is kwaad en bitter. Ek weet van al die onderdrukking wat jy verduur het. Ek weet hoeveel daar van jou gesteel is. Ek het elke een van jou wonde opgeskryf, elke verlies het Ek opgeteken! Vir daardie opofferings sal ek jou tien voudig beloon… Jy sal meer as net klein geld terug kry vir die diens wat jy sovêr vir My verrig het.

Ek weet jy voel alleen, Ek weet jou maters is maar skaars in hierdie rowwe tyd, maar Ek is hier! Ek wil myself vir jou neerlê, soos ‘n brug oor hierdie onstuimige see. 

My engel, appel van My oog, ek weet jy is platgeslaan. Ek weet jy voel so verlate soos ‘n weeskind, ek weet jy voel so alleen soos ‘n weduwee. Ek weet die donker het met ‘n harde slag om jou toegeslaan. Ek wil jou las vir jou kom dra – Ek wil jou kom troos.

Ek is klaar hier, die brug is klaar gebou my Liefling, dis net jy wat deur die sout water in jou oë moet tuur en My moet raak sien. Dis jy wat net moet vasgryp aan die brug sodat Ek jou kan optel en sodat jy van My brug gebruik kan maak.

Kyk hoe verlig die droom en die seëninge wat Ek voor die grondlegging van die aarde vir jou beplan het, die brug. My plan vir jou skyn so helder, kan jy dit sien? Gryp My vas, Ek wil die sout water wat jou ogies so brand kom weg vee sodat jy die glorie wat ek vir jou beplan het kan waardeer.

Ek wil jou afdroog en jou warm toevou, Ek wil vir jou nuwe, droë klere aantrek en jou honger magie vul met kos wat se smaak jy nog nie eers in jou wildste drome geproe het nie. Ek wil vir jou ‘n fees maal hou met die beste wyn om jou dors te les… Ek is klaar hier my Geliefde Bruid, Ek is die brug oor hierdie onstuimige see, Ek is die antwoord en die hoop waarna jy so desperaat opsoek is…. jy hoef nie eers vêrder te swem nie, Ek is hier binne gryp afstand… Kan jy My al sien??

Ek is lief vir jou!  My Eerste Liefde, Vlees van My Vlees – Ek verlang so innig, so baie verskriklik na jou… wil jy maar nie My hulp en My liefde aanvaar nie?