Daai nag….
Met sout paatjies uitgekerf oor my wange
Raak my asemhaling stadiger
Raak my oog lede swaar
So loop ek in sak en as na die niemands land van my drome
Daai nag…
Kom ek op ‘n plek so ongelooflik droog en asvaal
So staan ek in die gedruis dood se stilte
So staan ek en my siel poedel nakend kaal
So strompel ek in die donker… desperaat om jou dood te verstaan
Daai nag…
Met spoke wat my jaag dat my go lankal by my keel uit is…
Kom ek op jou in my drome af
So loop ons saam, parallel met die horison
So loop ons in by ‘n plek wat God, elke oggend, met Sy eie hand inkleur
So loop ons tot onder die Boom wat eke maand vrugte dra.
Daai nag…
Met die glorie van God wat ons omring kry ek vrede
Kom jy en vat jy een laaste keer my hand
Terwyl ek so na jou kyk, daar waar jy konstant voor jou Salig Maker dans
Terwyl ek saam met jou kniel voor die almagtige gesag van Sy aangesig
Terwyl ek saam met jou, lag en gesels en sonder ophou ons Pappa dien.
Daai nag
Met goue strale van heerlikheid wat oor die horison opstaan
Kom keer ek terug, en ek wens ek kon ‘n stukkie van jou saam met my vat
So word ek wakker, so sonder die verlammende pyn van jou afwesigheid
So bly net die pragtige herinneringe en net die litteken van verlange oor
So sal ek onthou om elke lewende uur die hele wêreld saam na die Hemel toe te nooi
