Elia 1 Kampe

Elia I kampe

deur Tom Gouws

‘n Kamp wat elkeen wat dit deurloop het, se geestelike lewens bepaald gelaunch het. Ons glo op grond van Mal 4:5-6 en Luk 1:17 dat ons profeties by daardie tyd in die loop van die geskiedenis van die wêreld gekom het dat God die gees van Elia stuur om die eindtydbruid voor te berei vir die koms van Christus. Die meeste gelowiges se probleme setel daarin dat hulle identiteit as mens nooit deur hul aardse vader opgeroep is nie, en boonop is hulle geestelike identiteit nooit deur ‘n geestelike vader opgeroep nie. Met die kamp wil God jou identiteit in Christus te vestig. Dit is ‘n geleentheid waar bedien word oor alle aspekte wat mense weerhou daarvan om binne hulle roeping in Christus op te staan, nie net as ‘n kind van God (Joh 1:12) nie, maar as seun van God (Rom 8:14). Geestelike seunskap beteken dat iemand sy skeppingsdoel verstaan en daarbinne beweeg. Die kampe se primêre doel sal wees om dit te bereik. Daar word ook oor elke persoon individueel geprofeteer deur ‘n span profete wat die kamp fasiliteer.

Elia I kampe

Dear Hein Holm

“…en het ons konings en priesters vir onse God gemaak, en ons sal as konings op die aarde heers.” (Op 5:10), (Sien ook Openbaring 1:6 en 20:6)   Voor die grondlegging van die aarde het God jou by die naam geken en jou met ‘n bepaalde doel aarde toe gestuur.  Jou geboorte is nie ‘n ongeluk nie, alles is deeglik beplan, want jy is uniek en so is jou roeping.  Weet jy regtig wie jy is?  Wat maak jy hier?   Gee betekenis aan jou lewe en vind uit wie God sê jy is! Met die Elia I en Elia II kampe, help ons mense om op te staan in hulle roeping. ELIA I – Priesterskap  Die keuse tussen lewe en dood – Wedergeboorte. Tye en tekens – Waar in die geskiedenis is ons? Waarheen gaan alles Wortels van Ongeregtigheid. Verstaan jou optrede. Hanteer die wortel en sien hoe die vrug verander.  Die Gees van Elia – Wat sê die Byble daarvan en wat beteken dit vir vandag. (Luk 1:17) My pa se invloed op my verstaan van God. Persoonlike profetiese bediening.