Honger, Dors en Doof

Dowwe steek pyne in my buik word duideliker,
Met elke asem, meer en meer onmisbaar…

Voed my met die Brood van Die Lewe, my God
Ek is honger vir U waarheid,
Ek is gretig om hierdie diep holte met Verborge Manna te vul. 

My tong is dik in my mond,
Met elke asem kraak die vel op my lippe meer… 

Verkwik my met die Water van die Lewe, my God
Ek dors na U stem
Ek is gretig om te drink van die lewend makend water uit U hand.

 Die geraas van die wereld dreun in my ore,
Met elke asem slaan my ore stywer toe….

 Raak my ore aan met U heilige hand, my God
Spreek my aan met U donderende stem,
Ek sit geduldig en wag vir U stem in die aand wind.

 Amen.